OÉ-CUSSE, 25 setembru 2023 (TATOLI) – Prezidente Autoridade Rejiaun Administrativa Espesiál Oé-cusse Ambeno, (RAEOA) Arsénio Paixão Bano, ho inisiativa apoia sanitária públika hodi harii sintina públiku ida iha komunidade aldeia Ulas, suku Taiboko, sub-rejiaun Pante Makasar.
“Ita hatene fatin ne’e hetan vizita beibeik, inklui membru autoridade sira seluk, tanba fatin ne’e mós izoladu ida iha Taiboko, bainhira atu presiza sanitária públika suar tebes, entaun apoia ida-ne’e, ha’u-nia privadu ba sira, atu harii fatin ida maibé uza ba públiku nian,” Arsénio Bano ba Tatoli, iha Oé-Cusse, tersa ne’e.
Notísia relevante: Profesora Domingas Elo lidera EBF Ulas Taiboko
Nia informa, fasilidade ne’e, husu apoia hosi formandu sira, tuir formasaun iha Sentru Formasaun Bansone, mak halo dezeña no sura hotu nia gastu sira.
“Tan ne’e maka horisehik, ita ba halo lansamentu, tanba komunidade sira maka servisu direita hamutuk ho estajiadu sira hosi Bansone, fasilidade ne’e la’ós ba ema ida nian, maibé uza ba públiku tomak,” nia katak.
Entretantu, fasilidade ne’e sei fasilita sanitáriu ba eskola EBF Ulas Lama hodi prevene moras iha soe fo’er arbiru sanitária públiku ne’e konstrui ho kuartu rua nia médida metru 4×2,50, ho durasaun servisu durante semana tolu
Notísia relevante:Autoridade RAEOA finaliza projetu EBF ida iha Ulaslama Taiboko
Jornalista: Abílio Elo Nini
Editór: Evaristo Soares Martins
