DILI, (TATOLI) – Reitór Dili Institutu Teknolojia, Manuel Vong hateten turizmu nu’udar setór estratéjiku ba Timor-Leste ho nia importansia vital ba projetu dezenvolvimentu sustentável iha termu ekonomia, sosiál, kulturál no ambientál.
Iha lansamentu livru Emerging Tourism Destination: Chalenges and Opportunities iha Paviliaun Sentru Konvensaun Dili, nia afirma seremónia lansamentu obra sientífiku lori ita hotu ba interese komun oinsá intelektual akadémiku, teknokrat, no praktisi iha Timor-Leste no mundu hanoin hamutuk atu konstroi sosiedade ida ho báziku instrumentu ba dezenvolvimentu setór turizmu nu’udar destinu turíztiku emerjentes iha deztinu turiztiku mundiál ninian.
Hodi dehan tan, konsiderasaun boot atu hanoin ba futuru tenke hahú ohin, nune’e inisiativa hamutuk bele lori nafatin ba oin.
Rezultadu konferensia internasionál konaba destinu turiztika emerjente ida ne’e, liuhosi dezisaun polítika, administrativa no jestaun konaba modelu dezenvolvimentu turizmu, saida mak Timor-Leste hakarak implementa.
“Orgulhu tebes tanba konsege halibur hamutuk ona desizaun polítiku, akadémiku, emprezáriu, asosiasaun setór turizmu, sosiedade sivíl no administrasaun públika”, katak.
Nia realsa tan, bainhira involve prátika no teorítika sira, loke odomatan ba reprezentante setór hotu, no istimula sira nia partisipasaun iha forum diskusaun idéias, prinsípiu no valór, hariku ita nia matenek neon nain, harii hametin haklean haburas, habelar no haluan ita nia koñesimentu, abilidade no muda ita nia atitude katak turizmu dalan prioridade no estratéjiku tebes duni ba timor-leste nia ekonomia ohin loron no ba futuru.
Jornalista: Julia Chatarina
Editora: Rita Almeida
