iklan

BOBONARO, MUNISÍPIU

Autoridade Bobonaro Sei Fó Apoiu Ba Governasaun Da-Ualu

Autoridade Bobonaro Sei Fó Apoiu Ba Governasaun Da-Ualu

Prezidente Autoridade Munisípiu Bobonaro, Jeferino Soares dos Santos. Foto espesiál

BALIBO, (TATOLI) – Prezidente Autoridade Munisípiu Bobonaro, Jeferino Soares dos Santos, hateten sei fó apoiu ba governasaun dala-ualu hodi hala’o dezenvolvimentu iha munisípiu Bobonaro.

Autoridade ne’e hatutan sei organiza nafatin povu atu kolabora, mantein pás no estabilidade ba apoiu prosesu dezenvolvimentu durante tinan lima 2018 to’o 2023.

“Ami espera ho governu foun sei implementa ami nia planu hirak ne’e”, hateten ba Tatoli iha  postu administrativu Balibo, munisípiu Bobonaro, domingu ne’e.

Tuir Jeferino governasaun la’o di’ak presiza kontribuisaun hosi autoridade sira iha munisipiu, no povu.

ʺHa’u apela nafatin ba povu atu mantein pás no estabilidade hodi apoiu governasaun founʺ, hatutan.

Munisípiu Bobonaro iha ona planu dezenvolvimentu munisipál ba 2018 ne’ebe oras ne’e seidauk implementa, nune’e governansaun foun sei apoiu hodi implementa.

Infraestutura bázika liliu estrada liga munisipiu no postu administrativu Kailako, Bobonaro no Lolotoe maka sai prioridade iha planu 2018. Alende ne’e bee mós, saúde, edukasaun no seluktán.

Jornalista: Agapito dos Santos

Editora: Rita Almeida

iklan
iklan

Leave a Reply

iklan
error: Content is protected !!