Nauru “Benvindu” Timor-Leste iha PIF

DILI, (TATOLI)-Prezidente Nauru, Baron Waqa simu embaixadór dezignadu Timor-Leste (TL) ba Austrália, Abel Guterres bainhira halo viajen ba Nauru hodi Partisipa iha Fórum Illa Pásifiku (PIF-sigla inglés) iha Nauru, 3 setembru 2018.

“Ita-boot bemvindu tebes mai Nauru,” dehan xefe estadu Nauru, Baron Waqa ba diplomata timoroan, Abel Guterres bainhira reprezenta TL partisipa iha PIF ba da-49, haktuir komunikadu Ministériu Negósiu Estranjeiru no Kooperasaun (MNEK) ba Ajénsia TATOLI, ohin, iha MNEK, Praia dos Coqueiros-Díli.

“Ha’u kontente tebes bele mai iha Yaren, reprezenta Timor-Leste no ha’u buka meius atu hasoru malu ho lider illa pásifika sira,” tenik embaixadór Abel Guterres hodi hatan ba xefe estadu Nauru.

Enkontru PIF ne’e partisipa husi nasaun membru na’in 18 iha Pasífiku. Tem aba enkontru iha tinan ne’e mak “Building a strong Pacific, our people-our island-our will” ka tradusaun etimolojika katak Harii Pasífiku ida forte, ita-nia povu-ita-nia illa-ita-nia dezeju.

Jornalista: Rafy Belo

Editór : Manuel Pinto