DILI, 06 agostu 2019 (TATOLI)-Sekretáriu Estadu Kooperativa (SEKoop), Arsénio Pereira, kompromete hodi kontinua insentiva grupu kooperativa hotu ne’ebé ativu iha rai-laran.
“Klaru, tinan oin ami fó insentivu ba grupu kooperativa sira ne’ebé daudaun la’o hela, hanesan ha’u halo ona vizita bá sira, atu sira kontribui ba ekonomia familiár”, adianta SEKoop, Arsénio Pereira, ba jornalista sira iha Ministériu Finansa, ohin.
SEKoop apresia grupu kooperativa sira ne’ebé durante ne’e hala’o atividade di’ak tebes, tanba ne’e, tinan oin SEKoop sei kontinua nafatin apoia liuhosi polítika Governu nian.
“Orsamentu ne’ebé maka atu fó apoiu ba grupu kooperativa sira mai hosi osan kategoria transferénsia públiku”, katak.
SEKoop simu ona pedidu barak hosi grupu kooperativa no hetan ona aseitasaun maibé totál orsamentu ne’ebé atu apoia maka sei iha diskusaun nia laran, maibé bainhira insentiva ona maka SEKoop sei halo monitorizasaun direta.
Notísia relevante : SEKoop Prioritiza Hodi Kapasita Kooperativa Sira iha 2020
Jornalista : Natalino Costa
Editora : Maria Auxiliadora
