DILI, 25 agostu 2019 (TATOLI)–Timor-Leste sei simu prezensa ekipa boot Misaun “Fact Finding” ASEAN (Organizasaun Sudezte Aziátika-sigla inglés) kona-ba preparasaun téknika nasaun ne´e nian durante loron tolu, entre dia 3 to´o 6 setembru.
Delegasaun ne´e kompostu husi lIder ASEAN SOM no Komite Reprezentante Permanente (CPR-sigla inglés) husi nasaun membru estadu membru ASEAN no ofisiál sira husi sekretáriu ASEAN nian, sei hasoru malu ho reprezentante tékniku sira husi ajénsia estadu sira, lider polítiku nível altu no mós primeiru-ministru, prezidente parlamentu, prezidente repúblika no figura nasaun nian seluk tan.
“Vizita ida ne´e nu´udar primeiru, hahú manifestaun formál interese Timor nian hodi sai membru ASEAN iha marsu 2011. Tinan ualu hafoin kandidatura, Timor-Leste sei nafatin asumi hein membru estadu no sei konsidera ASEAN prioridade nasionál no estratéjika,” refere komunikadu Ministériu Negósiu Estranjeiru no Kooperasaun (MNEK), TATOLI asesu iha sesta ne´e.
MNEK, tuir komunikadu ne’e konsidera, iha faktu, mudansa ba sai membru ASEAN lidera to’o ona iha nivel altu governu. Nasaun foti ona pasu boot ba preparadu nia aan no eziji kompletamente partisipa iha membru ASEAN no progresu signifikante halo ona iha tinan hirak liu ba, ho parte governu hotu Timor-Leste envolve iha servisu substansiál hodi garante preparasaun téknika.
“Hanesan agora Timor-Leste espera eh haree ba oin hodi fó benvindu ASEAN Fact-Finding Mission, sei hela nafatin ho otimista no kontinua esforsu ba era foun integrasaun nian no forte liután liga ho nia nasaun viziñu besik sira”.
“Nasaun haree ba oin ba nia dalan la’o tuir asesu livre, ba benefisiu Timor-Leste no haboot rejiaun ASEAN”.
Notísia relevante:Nasaun Membru ASEAN La Iha Ona Objesaun Ba Timor-Leste Nia Adezaun
Jornalista: Nelia Fernandes
Editór : Rafy Belo
