DILI, 26 agostu 2019 (TATOLI)—Governu Timor-Leste (TL) no Austrália sei troka Nota Entendimentu kona-ba tratadu Fronteira Marítima Permanente ne’ebé sei realiza iha Palásiu Governu, Dili, iha 30 agostu 2019.
“Troka nota ne’e markadu iha 30 agostu. Ne’e fiksu”, Ministru Reforma Lejizlativa no Asuntu Parlamentár, Fidelis Manuel Leite Magalhães, ko’alia iha Parlamentu Nasionál, segunda ne’e.
Lee mós: Xefe Estadu Asina Ona Rezolusaun PN Kona-ba Tratadu Fronteira Tasi
Fidelis informa, nota entendimentu ne’e importante ba Timor-Leste, tanba ne’e laiha impedimentu ruma para kansela tiha Nota Entendimentu refere.
“Primeiru-Ministru Austrália nian sei mai. Ministra Negósiu Estranjeiru Austrália mós sei mai”, governante ne’e esklarese.
Jornalista: Evaristo Soares Martins
Editór: Xisto Freitas
