DILI, 29 agostu 2019 (TATOLI) – Diretór Ezekutivu Centro Nacional Chega (CNC), Hugo Maria Fernandes, hatete ponte Bidau Santa-Ana ho naran B.J Habibie nu’udar jestu rekoñesementu povu Timor-Leste ba eis-Prezidente Repúblika.
“Ita nia luta ne’e rma hotu nia kontribuisaun tuir kapasidade no inagurasaun ne’e hanesan jestu ida hodi fó rekoñesementu”, dehan Hugo Fernandes iha Bidau Santa-Ana, ohin.
Maske istória pasadu ne’ebé moruk entre Timor-Leste no Indonézia, nia dehan Estadu deside hodi fó naran B.J Habibie ba ponte iha área Bidau Santa-Ana, nu’udar jerasaun foun orgullu no apresia ba lider nasaun sira nian desizaun.
Tuir nia Timor-Leste presiza aselera prosesu dezenvolvimentu. “Ita kontinua husu ba ita-nian governu kona-ba saúde, edukasaun entaun governu tenke halo investementu ba hirak ne’e”, reforsa.
Jornalista: Osoria Marques
Editora: Rita Almeida
