DILI, 10 setembru 2019 (TATOLI)—Durante periodu ferias judisiáriu, Defensor Públiku rejistu kazu krime 19 no kazu sivíl hamutuk tolu (3).
Defensor Públiku Jerál, Câncio Xavier, hateten, maske ferias judisiáriu, maibé ajente sira justisa nian, hanesan juis, prokuradór ho defensór públiku kontinua hala’o servisu justisa nian.
Ba Ajénsia TATOLI, ohin, iha nia servisu fatin, Dili, Câncio Xavier hateten, kazu sira ne’ebé rejistu ne’e enkamiña ona ba primeiru interrogatóriu ho sumáriu.
Câncio Xavier , esplika ba servisu nee, parte defensoria públika kada loron tau defensór públiku nain rua atu atende kazu urjente ruma, depois de detensaun 72 horas nia laran.
Jornalista : Domingos Piedade Freitas
Editór : Francisco Simões
