DILI, 12 setembru 2019 (TATOLI) – Diretór Terras Propriedade (DTP), Tito Serrão da Silva, informa, ohin DTP Liquiça hatama relatóriu kona ba informasaun estatutu disputa rai iha area Kaitehu ba Diresaun Nasionál Terras Propriedade (DNTP).
Notísia Relevante : Disputa Rai Kaitehu, MJ Promete Sobu “Mafia” Justisa
“Durante nee, kompañia China Harbour mak halo esplorasaun fatuk ba Portu Tibar, maibé horibainrua liu ba hetan impedimentu husi kompañia Marino Enterprise, nee mak ha’u mai hatama relatóriu balun ba DNTP,” hateten Diretór Tito Serrão da Silva, ba Ajénsia TATOLI, bainhira remata entrega relatóriu ofisial ba DNTP iha Mandarin, Dili.
Nia dehan, dokumentu ne’e entrega ona ba iha parte admirasaun nian atu kontinua informa ba malu hodi bele solusiona lalais disputa rai refere atu fó biban ba China Harbour hodi aselera serbisu ba Portu Tibar.
Jornalista : Domingos Piedade Freitas
Editór : Francisco Simões
