DILI, 16 outubru 2019 (TATOLI) – Tribunal Distritál Dili (TDD), aban, sei rona alegasaun final husi Ministériu Públiku (MP) no defeza, molok hasai desizaun final.
Notísia Relevante : Arguido AQ Rekoñese Oho Doutór Xineza Iha Bairru Pité
Tuir loloos iha loron 15 outubru 2019, alegasaun final halo tiha ona husi MP ho Defeza, maibé tanba razaun balun ne’ebé fundamenta tebes maka TDD adia fali akuzasaun final refere ba kinta aban (17/10/2019).
Iha julgamentu kontinuasaun, tribunal mós fo tempu ba sasin ho inisiál TC sidadaun Xineza ne’ebé sai hanesan lezadu nia namorada, maibé kona-ba lezadu nia mate nia parte laiha koñesimentu tanba momentu ne’ebá nia laiha fatin.
Iha audiénsia sasin deklara katak, nia namora ho lezadu durante fulan neen no sira nain rua hela hamutuk hanesan fen ho la’en iha otél ida iha Pantai Kelapa, maibé iha tempu ne’ebá nia parte hetan kontaktu husi nia kolega hodi ba kumu ema nia isin iha Audian no nia sai husi uma iha tuku 12:00 kalan no bainhira dadeer tuku 8:00 fila ba uma nia parte la haree lezadu no otel nia nain mak fó hatene katak lezadu hetan oho.
Nia dehan, kona-ba osan ne’ebé lakon, sasin laiha koñesimentu, tanba sasin rona de’it mak lezadu hetan oho husi ema.
Jornalista : Domingos Piedade Freitas
Editór : Francisco Simões
