DILI, 26 novembru 2019 (TATOLI) – Ministru Justisa, Manuel Cárceres da Costa, rekoñese, Defensoria Públika presiza duni karreta atu hala’o servisu justisa nian iha Timor-Leste.
Notísia relevante : DP Husu Millaun $2.8 iha OJE 2020
“Ha’u hanoin sira presiza veíkulu duni, no situasaun ne’ebé mak Defensoria Públika enfrenta realidade duni, maibé tinan ida ne’e polítika Governu define la sosa karreta,” informa Ministru Manuel Cárceres da Costa.
Ministériu Justisa rasik, tuir Ministru Manuel Cárceres, tinan ne’e sosa mini bus rua; ida ba iha sentru formasaun jurídika no mini bus ida ba iha defensoria públika, atu hala’o servisu no sosa mós karreta hilux rua atu troka fali carro célula, bainhira ba hala’o servisu iha área remotas.
Notísia Relevante : Defensoria Públika Presiza Tan Veíkulu Operasionál
Defensor Públika Jerál, Câncio Xavier, relata katak, defensoria públika presiza tan karreta sia (9) atu bele ajuda fasilita servisu Defensoria Públika nian hodi halo atendimentu ba povu sira kona-ba direitu atu hetan asisténsia justisa.
“Ami sei la arrepende tamba fasilidade ne’ebé seidauk natoon no agradese ba servisu ne’ebé tenke halo ba ita nia rai no ita nia povu,” tenik Câncio Xavier.
Jornalista : Domingos Piedade Freitas
Editór : Francisco Simões
