Top

Korpu Bombeiru Na’in 6 Tuir Formasaun iha Xina

Pesoál Bombeiru hatudu simulasaun iha aniversáriu Bombeiru ba dala-19. Imajen/António Gonçalves

DILI, 20 janeiru 2020 (TATOLI)-Korpu Bombeiru na’in neen (6) tuir formasaun durante fulan rua iha Xina.

Notísia Relevante : Austrália Sei Fasilita Formasaun ba Korpu Bombeiru TL

Formasaun ne’e realiza, tanba esforsu komunikasaun entre governu rai rua, liuhusi Sekretária Estadu Protesaun Sivíl (SEPS) ho Embaixada Xina iha Timor-Leste.

Sekretáriu Estadu ba Protesaun Sivíl, Alexandrino Xavier de Araújo. Imajen/Egas Cristovão

Sekretáriu Estadu Protesaun Sivíl, Alexandrino Xavier de Araújo, informa, formasaun ne’e sei foku iha área espesializada ba nivel avansadu liu-liu oinsá halo salvamentu no evakua vítima sira iha situasaun inséndiu ho eskala boot.

Ba Ajénsia TATOLI, ohin, iha nia servisu fatin, Sekretáriu Estadu Alexandrino Xavier de Araújo, lia tun dehan,  korpu bombeiru hirak ne’e dezloka ba Xina iha semana rua liu ba sei termina formasaun iha fulan oin.

“Hakarak agradese ba governu Xina nia apoiu hodi bele oferese formasaun no ba nesesidade akomodasaun sira to’o kursu ne’ e remata,” afirma Alexandrino Araújo.

Notísia Relevante : Korpu Bombeiru iha Rekursu Sufisiente

Jornalista : Nelson de Sousa

Editór       : Francisco Simões

 

Publisidade

Leave a Reply

Latest Post

error: Content is protected !!