Espoza PR Dúvidas ho Dadus Ema Defisiénsia iha TL
DILI, 22 janeiru 2020 (TATOLI)-Espoza Prezidente Repúblika, Cidália Nobre Mouzinho Guterres, hateten duvidas ho númeru ema defisiénsia Timor-Leste tuir estatístika sensu uma-kain 2015 ho mós dadus hosi Ministériu Saúde.
Tanba baseia ba dadus sensu uma-kain 2015 rejista sidadaun defisiénsia iha Timor-Leste hamutuk 38,118, hosi númeru ne’e defisiénsia 8.000-resin maka simu ona subsídiu governu.
Maibé dadus hosi Ministériu Saúde kontradis tanba sidadaun defisiénsia iha TL hamutuk 52.000-resin.
Notísia Relevante :Presiza Inklui Sidadaun Ho Defisiénsia Iha Prosesu Dezenvolvimentu
Ho dadus rua ne’e ita ajusta hamutuk pruvolta ema defisiénsia rihun 25-resin maka seidauk rejista hodi hetan apoiu hosi governu liliu programa sosiál sira iha MSSI.
Notísia Relevante :Ema Ho Defisiente Matan Seidauk Asesu Edukasaun Ho Di’ak
“Ha’u iha preokupasaun ida ne’ebé sériu tebes, persiza ita-hotu nia atensaun, atu haree ba asuntu dadus ne’ebé maka ladun klaru. Tanba ne’e persiza dadus lolo’os nune’e iha implementasaun programa bele efetivu no efisiénsia ,”preokupa, Cidália Nobre, ba jornalista sira, tersa horiseik iha Marcarenas Dili.
Notísia Relevante :Labele Eksklui Defisiente Sira
Atu fó asisténsia di’ak liután ba sidadaun defisiénsia sira, Espoza PR husu ba govern liliu Ministériu Solidaridade Sosiál no Inkluzaun, atu dezenvolve di’ak liután polítika inkluzaun sosiál.
Jornalista : Nelson de Sousa
Editór : Francisco Simões
