Xefe Suku Bemori Husu Lider Sira Kria Pás

DILI, 23 janeiru 2020 (TATOLI) – Xefe Suku Bemori, Cristalina Perira Soares de Oliveira, husu ba lider sira atu fó liman ba malu hodi harii pás no estabilidade.
“Situasaun polítika rai laran ladún fó esperansa ba povu atu bele moris di’ak, tanba ne’e, husu ba lider polítiku sira atu bele komunika ba malu hodi bele rezolve impase polítika ne’e,” hateten Xefe Suku Cristalina Pereira Soares de Oliveira, ohin, ba Ajénsia TATOLI iha Sede Suku Bemori, Dili.
Nia hateten, Timor-Leste nia dezenvolvimentu atu la’o ho di’ak liu, maka lider sira tenke tuur hamutuk hodi ko’alia ba malu atu hadi’a povu nia moris no lori povu ba moris di’ak.
Sku Bemori iha aldeia hitu (7), kompostu husi Aldeia Babaliurai Leste, Babaliurai Oeste, Bemori Sentrál, Ailele-Hun, Has-Laran, Bemori Sentru ho My Friend.
Xefe família ne’ebé haksumik iha Suku Bemori hamutuk 373 no populasaun 4.719.
Jornalista : Osória Marques
Editór : Francisco Simões

