iklan

NASIONÁL, EDUKASAUN, DILI, HEADLINE, KAPITÁL

Dies Natali IFSS ba Dala-VIII ho Semináriu Philosophy Today Or Virtue Of Thinking

Dies Natali IFSS ba Dala-VIII ho Semináriu  Philosophy Today Or Virtue Of Thinking

Pe. Manuel Pinto, SDB, reitor ba institutu Saun Francisco de Sales. Imajen/ Domingos Piedade

DILI, 25 janeiru 2020 (TATOLI) – Institutu Filozófika Saun Francisco de Sales (IFSS), sesta (24/01/2020), selebra dies natali ba dala-VIII liuhusi organiza semináriu  kona-ba Philosophy Today Or Virtue Of Thinking.

“Ami selebra festa dies natali institutu tanba kreda, liuliu instituisaun selebra padrueiru institutu Saun Francisco de Sales ba dala-VIII, hanesan tinan-tinan ami aproveita loron 24  janeiru, atu halo abertura ba anu letivu foun,” informa   Diretór IFSS, Pe. Manuel Pinto, SDB, ba  jornalista sira, bainhira remata semináriu kona-ba Philosophy Today Or Virtue Of Thinking, iha Casa Pos Novisiadu Dom Bosco, Comoro, Dili.

Nia dehan, iha anu letivu 2020 loke ho tema seminar “Philosophy Today Or Virtue Of Thinking” ho oradór prinsipal ida husi salezianu Béljika, ho naran Julien Jackers, SDB, ne’ebé mós esplika kle’an liu kona kna’ar filózofu sira kona-ba duty of thinking katak ema nia hanoin tenke iha ninia pezu, kle’an no di’ak, buat sira ne’e mak dala-barak lakon ona, signifika katak hanoin buat ne’ebé negativu de’it, hanoin ne’ebé mak kontra moral no étika, hanoin interese pesoál, partidu, grupu nian de’it.

Ho reflesaun husi oradór ne’e, Amu Manuel Pinto, espera bele ajuda di’ak liu tan iha prosesu aprendizajen estudante sira nia koñesimentu liuliu atu kritiku liu tan, iha kualkér sirkunstánsia hot-hotu iha tinan 2020, nune’e bele fó kontribuisaun másimu ba sosiedade Timor-Leste ne’ebé mak komesa mihis ona ninia kritiku.

Partisipa iha semináriu ne’e mak Diretór IFSS, Pe. Manuel Pinto, SDB, Administradór IFFS, Pe. Silvano da Silva, SDB, universitáriu sira iha Dili laran, dosente, antigu alunu no seluk-seluk tan.

Jornalista : Domingos Piedade Freitas

Editór       : Francisco Simões

iklan
iklan

Leave a Reply

iklan
error: Content is protected !!