DILI, 04 fevereiru 2020 (TATOLI) – Durante tinan tomak 2019, Fundasaun Klibur Domin fó tratamentu saúde ba ema moras defisiénsia fíziku no moras mental hamutuk na’in 300-resin.
Notísia Relevante : MSSI Apoiu Osan Rihun 115-resin ba Instituisaun Solidaridade
Diretór Ezekutivu Fundasaun Klibur Domin, Joaquin Freitas Soares informa, tratamentu ne’ebé sira halo ba ema defisiénsia mak fó tratamentu fizioterapia no fasilita kadeira roda.
Ba pasiente moras mental sira, Fundasaun Klibur Domin, fasilita fó ai-moruk atu sira nia moras la bele aumenta tan.
Tuir observasaun Fundasaun Klibur Domin nian katak, pasiente hirak ne’ebé hetan tratamentu ne’e, balun rekupera daudaun ona. Mazmu nune’e, Klibur Domin fiar katak, atu garante rekuperasaun totál ne’e presiza tempu.
Ba Ajénsia TATOLI, ohin, iha nia servisu fatin, hateten, Joaquin Freitas Soares, hateten, iha 2019 fundasaun hetan apoiu fundu subvensaun públiku husi Ministériu Solidariedade Sosiál no Inkluzaun (MSSI) ho valor $65.000,00, hodi utiliza ba programa apoiu nutrisaun (ai-han) ba ema moras mental no defisiénsia, fornese ekipamentu no seluk tan.
Iha fevereiru 2020, Fundasaun Klibur Domin hetan apoiu orsamentu husi MSSI nafatin liu husi fundu subvensaun públiku $5,457.95 hodi presta liu tan servisu atendimentu ba ema ho moras defisiénsia fíziku no moras mental.
Notísia Relevante : MSSI Elabora Mata Dalan ba Atendimentu Sosiál iha 2020
Jornalista : Nelson de Sousa
Editór : Francisco Simões
