DILI, 15 juñu 2020 (TATOLI)–Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, hateten iha situasaun surtu COVID-19, Governu ajuda hodi halo pagamentu subsídiu pursentu 60 ba traballadór hamutuk 605 iha segunda semana kotuk.
Notísia Relevante: Semana Rua Tan, Governu Sei Halo Pagamentu Subsídiu 60% ba Traballadór Sira
“Iha semana kotuk Governu halo ona pagamentu pursentu 60 ba ita-nia traballadór hamutuk 605 ho montante orsamentu hamutuk $278.306.95,” dehan Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, ba Jornalista sira iha nia knaar fatin, Caicoli, Dili, segunda ne’e.
Nia hatutan, pagamentu pursentu 60 ne’e hahú iha segunda semana kotuk to’o segunda (15/06/2020) ohin, halo ona pagamentu ba semana ida ona.
“Ita hala’o tiha ona pagamentu pursentu 60 ba traballadór sira no ba kompañia sira iha semana kotuk,” nia dehan.
Aleinde ne’e, nia liga ho pagamentu pursentu 60, nia hateten, ohin loron mak loron ikus ba kompaña sira atu husu pedidu.
Jornalista : Osória Marques
Editór : Cancio Ximenes
