DILI, 29 juñu 2020 (TATOLI)-Ministériu Saúde servisu hamutuk ho Ministériu Finansa halo ona tranferénsia orsamentu suplementu remunerátoriu ba konta bankaria Profisionál Saúde idaidak hodi bele simu ona iha semana ida ne’e.
Vise Ministru Saúde, Bonifácio Maucoli dos Reis, hateten profisionál sáude hirak ne’ebé servisu durante prevensaun COVID-19 ne’e bazeia ba kategoria liña oin, lina klaran no kotuk.
Notísia Relevante :Governu Aprova Suplementu Remuneratóriu ba Profesionál Liña Frente Kada Loron $25
Sira ne’ebé servisu iha liña oin maka iha fatin izolamentu ho valór $ 25, liña klaran hanesan servisu laboratóriu $ 20, no Kuarentena sira $ 15.
Notísia Relevante :MS Aprezenta Proposta Profisionál Saúde Na’in-3.070 Sei Hetan Suplementu Remuneratóriu
”Se la’ós ohin entaun aban bele ba haree iha idaidak nia konta bankaria tanba dadus husi Ministériu saúde submete hotu ona ba Ministériu Finansa hodi halo pagamentu entaun oinsá profisionál saúde sira bele asesu ba iha konta bankaria atu bele haree,” dehan nia ba jornalista sira iha HNGV, ohin.
Jornalista : Felicidade Ximenes
Editór : Agapito dos Santos
