DILI, 01 jullu 2020 (TATOLI)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten Embaixada Timor-Leste iha diaspora daudaun ne’e simu ona transférensia orsamentu husi Banku Sentrál Timor-Leste hodi selu subsídiu ba estudante naun bolseiru hamutuk rihun rua-resin.
Tuir dadus estudante hirak ne’e daudaun ne’e estuda iha nasaun Indonézia, Austrália, Filipina, Portugal, Estadus Unidus Amérika, Thailandia no seluk tan.
Notísia Relevante :MF Transfere Ona Subsídiu ba Estudante iha Estranjeiru
“Ha’u konfirma ona katak subsídiu ba estudante non bolseiru sira haruka hotu ona ba iha embaxada sira no hein de’it Embaixada mak transfere fali ba estudante sira idaidak nia konta bankaria maibé hosi Timor transfere hotu ona,” dehan Ministra ba Jornalista Sira iha Palacio do Governo Dili.
Notísia Relevante :Governu Aprova Millaun $ 2 Hodi fó Subsidiu ba Estudante
Tanba ne’e, nia hatutan Embaixada idaidak maka otomatikamente sei halo tan tranférensia ba konta bankaria estudante idaidak.
Notísia Relevante :Subsídiu Ba Estudante Naun Bolseiru Iha Rai-Li’ur Depende ba Kustu Vida Kada Nasaun
Entretantu, Montante orsamentu ne’ebé maka Governu fó apoiu ba estudante sira liga ho COVID-19 ne’e bazeia ba kustu husi nasaun idaidak.
Jornalista : Hortencio Sanchez
Editór : Agapito dos Santos
