DILI, 02 jullu 2020 (TATOLI) – Ministru Justisa (MJ), Manuel Cárceres da Costa hateten, Governu Brazil kontinua fó asisténsia téknika ba Defensoria Públika Timor-Leste.
Notísia Relevante : TL-Brazil Sei Asina Akordu Kooperasaun iha Area Justisa
Ministru Justisa Manuel Cárceres da Costa, foin lalais ne’e, ho Embaixadór Brazil iha Timor-Leste asina ona nota akordu ho Ajénsia Brazileira ba kooperasaun (ABC-sigla portugés) entre defensoria públika Timor-Leste ho defensoria públika Brazil ba periodu tinan-rua (2020-2021) posibilidade bele extende to’o tinan-haat (2020-2023).
Ba Agência Tatoli, iha Palaçio do Governo, foin lalais ne’e, Ministru Manuel Cárceres da Costa hateten, akordu refere hanesan kontinuasaun ba etapa da-ualu nian, ne’ebé Brazil sei haruka konselleiru defensór ida hodi bele mai iha Timor-Leste fó asisténsia téknika hanesan formasaun no fó asesoria jurídika ho asisténsia legal.
Manuel Cárceres, louva relasaun bilateral entre Timor-Leste ho Brazil hodi fortalese servisu iha area justisa no ho kooperasaun ne’e sei haforsa liu tan servisu defensoria nian.
Jornalista : Nelson de Sousa
Editór : Francisco Simões
