DILI, 02 jullu 2020 (TATOLI)-Ministru Edukasaun Juventude no Desportu, Armindo Maia, iha kinta ne’e ofisialmente re-ativa ona prosesu aprendizajen ba estudante sira iha Eskola Ensinu Sekundáriu Katólika, São José Operario Balide Dili tanba prienxe ona padraun prevensaun COVID-19.
“Ha’u ohin mai re-ativa eskola São José Operario tanba eskola ne’e hetan ona rekoñesimentu husi Ministériu Saúde katak prienxe ona rekejitus padraun minimu ba prevensaun COVID-19 nian,” dehan nia ba Jornalista Sira iha Balide, kinta ne’e.
Notísia Relevante :Ministru Armindo Sei Re-ativa Eskola Fazeadamente
Nia dehan eskola idaidak tenke kumpre regulamentu no padraun prevene coronavirus ne’ebé fó sai ona husi MS maka tenke iha bee moos, tanke no torneira fase liman, iha hand sanitizer, sabaun fase liman, garante distansiamentu fiziku iha sala laran, iha fatin lixu, ambiente moos, uza máskara, kada sala akumula estudante na’in 20 no seluk tan.
Notísia Relevante :Governu Seidauk Autoriza ESJ UNAMET Dili Re-Ativa Aprendizajen
Tuir orariu Eskola Ensinu Sekundáriu Katólika São José Operario sei hahú prosesu aprendizajen normal iha loron 06 fulan jullu 2020 semana oin.
Jornalista : Tomé Amado
Editór : Agapito dos Santos