DILI, 09 jullu 2020 (TATOLI)–Prezidente Konsellu Administrasaun Institutu Nasionál Seguransa Sosiál, Longuinhos Armando Leite, informa Governu aloka ona osan miliaun $11 ba pagamentu 60% ba traballadór sira hamutuk 30.000.
Notísia Relevante: Governu Halo Ona Pagamentu Subsídiu 60% ba Traballadór Hamutuk 605
“Governu aloka osan millaun $11 ba pagamentu 60% ba trablladór sira hamutuk 30.000 hodi kompleta ba sira-nia saláriu metade hosi kompañia sira,” dehan Prezidente Konsellu Administrasaun Institutu Nasionál Seguransa Sosiál, Longuinhos Armando Leite ba Agência TATOLI iha nia knaar fatin INSS, Caicoli, Dili, kinta ne’e.
Hosi osan millaun $11 ne’e, nia dehan, Governu foin aloka de’it millaun $7 hodi selu ba traballadór sira. Tanba, tuir nia, osan ne’e parte hotu-hotu presiza la’ós ba traballadór de’it, tanba COVID-19 ne’e mai afeta hotu ema. Tanba ne’e mak haruka uluk ba millaun $7 depois mak kompleta tan.
“Bainhira osan millaun $7 mak la to’o, nia hateten, Governu sei aumenta tan millaun $4 hodi bele selu kompleta ba traballadór sira, tanba iha Governu nia proposta ne’e husu osan millaun $11 hodi selu ba trablladór hamutuk ema na’in-30.000,” nia haktuir.
Nia husu ba ba kompañia sira, bainhira kompañia nia pedidu ne’e husu Govenu atu re-embolsu ne’e mak foin ba. Maibé ne’e signifika kompañia selu tiha ona saláriu traballadór metade ona.
“Bainihra kompañia mak selu ona metade saláriu ba nia traballadór maka ita haruka osan 60% ba traballadór nia konta bankária hodi kompleta ba saláriu fulan ida-nian,” nia dehan.
Tanba ne’e, nia hateten, to’o agora seidauk ramata pagamentu 60% ba traballadór sira tanba ema hamutuk 30.000.
Prezidente Konsellu Administrasaun INSS, Longuinhos Armando Leite, hatete Governu fó pagamentu 60% ba traballadór sira iha situsaun COVID-19 nia laran ne’e, bazeia ba dekretu-lei 16/2020 katak pagamentu 60% ba trablladór sira-ne’e direta ba traballadór sira-nia konta bankária laós ba kompañia.
“Karik selu ba kompañia entaun fasil tanba sira na’in rasik mak selu. Maibé ita selu dierta ba traballadór mak to’o ohin loron difikulta ita tanba ema barak liu,” nia dehan.
Notísia Relevante: 2020, INSS Rejistu Funsionáriu no Empreza Privadu Hamutuk 100.000
Jornalista : Osória Marques
Editór : Cancio Ximenes
