DILI, 14 jullu 2020 (TATOLI)-Pro Reitór Asuntu Akadémiku UNTL, Miguel Maia dos Santos, hateten UNTL simu ona karta ida husi Ministériu Ensinu Superiór Siénsia no Kultura (MESSK) ne’ebé suzere atu estudante sira kontinua selu propinas ba universidade durante implementasaun Estadu Emerjénsia liga ho surtu COVID-19.
Maski simu ona karta ne’e, maibe UNTL seidauk foti desizaun tanba kontiudu husi karta ne’ebé fó sai ona seidauk klaru atu estudante sira tenki selu propinas ka lae tanba ne’e presiza konfirmasaun filafali ho Governu.
Notísia Relevante :Estudante UNTL La Satisfas ho Aplikasaun Propinas Durante EE
“Kontiudu husi karta ne’ebé ami simu husi MESSK ne’e suzere atu selu tanba haree ba defisit governu bazeia ba konkordansia ne’ebé la’o ona iha primeiru Governu katak pursentu 70 Governu mak responsabiliza no pursentu 30 UNTL rasik mak tenke sustenta,” dehan nia ba Tatoli, iha ninia servisu fatin segunda ne’e.
Notísia Relevante :UNTL Anula Propinas ba Estudante
Tanba ne’e, parte UNTL sei konfirma filafali kestaun ne’e ho MESK iha tempu badak nune’e bele iha desizaun loloos hodi implementa.
Notísia Relevante :Governu Sei Diskute Asuntu Propinas ho Reitór UNTL
Jornalista : Tomé Amado
Editór : Agapito dos Santos
