iklan

NASIONÁL, EKONOMIA, INTERNASIONÁL, HEADLINE, POLÍTIKA

MNEC haluan relasaun diplomátika-prepara funsionáriu kualifikada iha 2021

MNEC haluan relasaun diplomátika-prepara funsionáriu kualifikada iha 2021

Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristovão.

DILI, 09 novembru 2020 (TATOLI)—Ministériu Negósiu Estranjeiru no Kooperasaun (MNEC-sigla portgés) liderada Adaljiza Magno, sei halo luan relasaun diplomátika no prepara funsionáriu diplomata ho kualifikada alta iha tinan fiskál 2021.

Papél Ministériu Negósiu Estranjeiru no Kooperasaun nu’udar departamentu governamentál responsável ba konsesaun, ezekusaun, koordenasaun no avaliasaun polítika.

Nune’e mós define no aprova liuhosi Konsellu Ministru iha área polítika externa no kooperasaun internasionál no asume funsaun konsulár, promosaun no defeza interese sidadaun timor iha esteriór.

Medida prinsipál setoriál hosi MNEK ba tinan 2021 mak responde ho forma efikaz no efisiente kona-ba implementasaun polítika esterna Timor-Leste nian.

“Fortalese, konsolida (hametin) no haluan relasaun diplomátika ezistente no atua ho forma resíproka, prepara funsionáriu diplomata altamente ho kualifikada,” planu medida prinsipál setoriál hosi MNEC ne’ebé previstu iha livru planu asaun anuál ne’e haktuir.

Medida prinsipál seluk hosi MNEK ba 2021 mak promove boa governasaun, jestaun institusionál iha ministéru refere no servisu hotu ne’ebé depedente ba ministériu refere.

Hosi medida prinsipál hirak ne’e ba tinan fiskál 2021 MNEC propoin $26,830,402 ne’ebé koloka ba saláriu vensimentu $15,215,000, bens servisu $9,971,474, kapitál minór $1,603,928, kapitál dezenvolvimentu zero no transferénsia públika $40,000.

Alokasaun orsamentál kada programa ho kógidu 400 kona-ba polítika externa RDTL sei gasta $ 20,973,800 (78.2%) no programa kódigu 510 kona-ba boa governasaun no jestaun institusionál sei gasta $ 5,856,602 (21.8%).

Ho montante orsamentu hirak ne’e, Ministra Negósiu Estranjeiru no Kooperasaun, Adaljiza Magno, justifika ba Komisaun B (asuntu Negósiu Estranjeiru, Defeza no Seguransa) iha sesta foin lalais liuhosi audiénsia públika ba proposta OJE 2021.

Jornalista: Evaristo Soares Martins

Editór: Cancio Ximenes

iklan
iklan

Leave a Reply

iklan
error: Content is protected !!