DILI, 13 novembru 2020 (TATOLI)- Komisaun Anti-Korrupsaun (CAC) kontinua halo vijilánsia ativu hodi monitoriza distribuisaun programa Cesta Bázika ba benefisiáriu sira.
Notísia Relevante : Governante na’in-neen distribui Cesta Bázika iha Suku Tashilin
“Programa Cesta Bázika, ita halo vijilánsia, loron primeiru lansamentu to’o mai iha distribuisaun no observasaun ba lei ho distribuisaun to’o iha benefisiáriu sira loos ka la’e,” Komisáriu CAC, Sergio Hornai, hateten hodi responde jornalista sira, ohin, iha Parlamentu Nasionál.
Nia dehan, prezensa CAC nian ne’e atu haree besik liután prosesu hotu tuir lei ka la’e, nune’e bele asegura transparénsia no kontabilidade. Ho nune’e, ekipa téknika halo hela servisu maka’as ba monitorizasaun Cesta Bázika ninian iha parte prevensaun no investigasaun ho kle’an no sei fó sai ninia relatóriu.
Jornalista : Nelson de Sousa
Editór : Francisco Simões
