Partidu foun haat hahú kompleta dokumentu

DILI, 18 fevereiru 2021 (TATOLI)-Partidu foun haat kompostu hosi Patifor, OS Verdes, Fitun ho Partidu Dezenvolvimentu Sosiál (PDS), hahú kompleta dokumentu iha Diresaun Nasionál Servisu Rejistu no Notariadu (DNSRN).
“Partidu foun haat ne’ebé antes ne’e Tribunál Rekursu indefere, daudaun ne’e, sira komesa kompleta dokumentu iha kartóriu Rejistu Notariadu ne’ebé iha kada munisípiu no Dili,” Diretór Nasionál Diresaun Nasionál Servisu Rejistu no Notariadu (DNSRN), Crisogno da Costa Neto, informa ba Agência TATOLI iha nia servisu fatin, Dili, kinta ne’e.
Notísia Relevante : Patifor ho PDS mós la prienxe rekizitu
Nia hateten, dokumentu ne’ebé presiza kompleta mak kartaun apoiante sira-nian hosi munisípiu (kartaun eleitorál), siglá, denominasaun, hodi Notariadu halo autentikasaun no rekoñesimentu.
“Hafoin sira kompleta rekizitu sira bele enkamiña ba Tribunál,” Crisogno da Costa Neto hateten.
Notísia Relevante : Partidu OS Verdes ho Fitun la prenxe rekizitu
Jornalista : Nelson de Sousa
Editór : Francisco Simões

