iklan

DILI, HEADLINE, NASIONÁL

SEPS halo akizasaun nesesidade bázika atu apoia vítima dezastre naturál

SEPS halo akizasaun nesesidade bázika atu apoia vítima dezastre naturál

Uma komunidade iha Bidau ne’ebé hetan estragu hosi inundasaun iha 04 abríl 2021. Imajen Tatoli/António Gonçalves.

DILI, 14 jullu 2021 (TATOLI)—Sekretária Estadu Protesaun Sivíl (SEPS), oras-ne’e dadaun hala’o hela akizasaun ba nesesidade bázika, hodi reforsa estoke, nune’e bele fó apoiu ba família afetadu dezastre naturál, ne’ebé to’o agora seidauk hetan apoiu.

Ita hetan orsamentu hosi fundu kontijénsia millaun $3-resin. Ita halo hela akizasaun ba ai-hán no la’ós ai-hán  hodi bele oferese ba familía-sira ne’ebé seidauk hetan apoiu,” SEPS, Joaquim Gusmão, hateten ba jornalista-sira iha Suai Room Timor Plaza, kuarta ne’e.

Notísia relevante:SEPS distribui materiál konstrusaun bá vítima dezastre naturál

Nia dehan, fulan ne’e bele remata akizasaun nune’e SEPS halo fila-fali pakote kompostu hosi foos, mina, susu-ben, mina bimoli, kafé, sasán kuziña no sira seluk, hodi distribui ba família afetadu-sira.

To’o ohin, SEPS oferese ona apoiu umanitáriu ba família hamutuk 26.111 iha territóriu no 4.311 hosi Dili mak seidauk hetan apoiu.

SEPS mós oferese ona materiál konstrusaun ba família 1.083 ne’ebé uma hetan estragu durante inundasaun iha 04 abríl.

Pakote materiál konstrusaun ba kada vítima ne’ebé uma hetan estragu totál simu kalen 0.30m tahan 50, pregu kalén 2kg, pregu 12cm 2kg, pregu 10cm 2kg, pregu 7cm 4kg, besi betón 10mm 12 barra, besi  betón 8mm 10 barra, arme finu rolu rua ho semente tonasa 40kg saka 25 no osan mão de obra ho ai-kuadradu $356 hodi bele selu badaen.

Uma ne’ebé aat natón simu kalén ho pregu ho osan $356, no aat kamán sei simu kalén no pregu kalén ho osan $150.

Jornalista: Nelson de Sousa

Editór: Cipriano Colo

iklan
iklan

Leave a Reply

iklan
error: Content is protected !!