Janeiru-juñu sentru saúde Railaco rejista IRA 2.700
DILI, 16 jullu 2021 (TATOLI)—Hahú hosi janeiru to’o juñu 2021, Sentru Saúde Railaco, rejita moras Infesaun Respiratória Alta (IR), hamutuk 2.700.
“Durante ne’e moras ne’ebé barak liu mak IRA, tanba tempu bai-loron rairahun makás, labarik-sira mak sofre barak liu inklui ema boot sira,” Xefi Sentru Saúde Railaco, Gaspar da Silva, hateten ba jornalista Agência Tatoli, iha knaar fatin, kinta ne’e.
Notísia relevante:Abitante 6.451 iha Ermera simu vasina AstraZeneca
Ho situasaun ne’e maka, parte sentru saúde buka meiu atu halo promosaun saúde liuhosi Serbisu Integradu Saúde Komunitária (SISKA) hodi fó formasaun saúde ba komunidade iha postu administrative ne’e.
Númeru IRA ne’ebé aas maihosi kada loron sentru saúde rejista ema na’in 12 to’o 15, tanba moras ne’e sempre da’et lalais.
Kona-bá medikamentu atu halo tratamentu sufisiente, inklui transporte atu fasilita movimentu laiha problema.
Problema ne’ebé sentru saúde ne’e enfrenta maka, presija aumenta rekursu umanu tanba médiku ho enfermeiru balun idade avansada ona.
Oras-ne’e daudaun totál profisionál saúde iha sentru saúde Railaco na’in 34, inklui médiku enfermeiru parteira no tékniku aliadus.
Jornalista: Felicidade Ximenes
Editór: Cipriano Colo
