DILI, 12 agostu 2021 (TATOLI)—Sala Situasaun, Sentru Integradu Jestaun Krize (SIJK), rejista kazu pozitivu 189, rekoperadu 39 no kazu ativu 1.822.
“Kazu foun 189 mai hosi Dili 107, Ermera 37 no munisípiu seluk hamutuk 45, kompostu hosi mane 85 no feto 103,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liu hosi komunikadu, kinta ne’e.
Notísia relevante:COVID-19, pozitivu 153 no ativu 1.672
Hosi totál kazu detetadu foun ohin, ho idade 20-27 (14,2) entre tinan 12-59 na’in 160 (84,6%), idade 60 mai karaik na’in-rua. Hosi kazu detetadu foun ohin 52 kazu ka 27,5 % sintomátiku (hatudu sintomas).
Kumulativu kazu konfirmadu sura hosi 21 marsu 2020 to’o 12 agostu 2021 hamutuk 12.059. Hosi horisehik mai ohin, teste ne’ebé Laboratóriu Nasionál Saúde halo hamutuk 710 PCR, ho detallu hanesan tuir-mai, Vijilánsia sentinela na’in 32, rastreiu ba kontaktu ka Contact tracing 126, Rastreiu Aleatóriu ka Random Screening nain 100, viájen sai-hosi serka sanitária hosi Dili 284, Viájen internasionál na’in 25, Follow up iha kuarentena na’in 143.
Totál testes PCR ne’ebé halo horisehik 11 agostu iha munisípiu-sira seluk, RAEOA no HNGV hamutuk 315, ho detalla hanesan tuir-mai, Maubisse85, Maliana 30, Viqueque 13, Suai 23, Baucau 62, Ermera 12, RAEOA 41 no HNGV 49.
Totál doze vasina ne’ebé fó ona ba populasaun elijível tinan 18 ba leten, to’o ohin dader 10:00, loron 12 agostu tuir sistema informasaun Saúde iha Ministériu Saúde, totál kumulativu 1ª doze iha Dili (69,7%) no totál kumulativu 2ª doze iha Dili (47,1%).
Ema ne’ebé simu ona vasina doze dahuluk iha Timor-Leste (43,9%) no simu ona doze daruak (15,6%).
Atu bele hatene surtu ida ninia evolusaun nomós surtu ne’e aumenta ka diminui, indikadór seluk ne’ebé matenek-na’in epidemiolojia nian uza, maka insidénsia.
Konvensionalmente, insidénsia sukat totál kazu foun kada loron pur mil abitante, no hatudu risku ne’ebé populasaun iha atu hetan da’et moras ida.
Hosi insidénsia COVID-19 iha Timor-Leste, durante loron hitu ikus maka 9,0 /100 mil abitante, enkuantu ba deit munisípiu Ermera 18,7/100 mil abitante.
Iha semana ida ne’e, insidénsia iha munisípiu Dili 16,6/100 mil abitantes, tuir kedan ho RAEOA ho insidénsia 8,7/100 mil hafoin ho munisípiu Covalima ho insidénsia 11,3/100 mil abitante no Bobonaro ho insidénsia 6,1/100 mill. Ida-ne’e hatudu katak insidénsia munisípiu Ermera nian maka a’as-liu entaun munisípiu tolu – Ermera, Dili, RAEOA ho Covalima – maka iha risku bo’ot liu atu populasaun hetan da’et, no hada’et tutan virus SARS-CoV-2, iha komunidade nia le’et.
Iha 12 agostu 2021, izolamentu Vera Cruz halo tratamentu ba kazu detetadu na’in 31. Iha área obstetrisia na’in 10 no iha medisina interna na’in 18, iha sirurjia na’in-rua, pediatria na’in-ida. Iha obstetrisia na’in 10 kategoria kaman hotu. Iha área medisina interna na’in 18. Hitu kategoria grave (ida uza ventiladór) na’in-neen uza okjijeniu, na’in 10 kategoria moderadu, na’in-ida kategoria kamán. Sira na’in-rua iha sirurjia kategoria kaman hotu, na’in-ida pediatria kategoria kamán.
Númeru kazu moderadu no grave ne’ebé baixa iha Vera Cruz, hatudu katak, bainhira ema barak liu detetadu pozitivu, barak-liu tan maka sei baixa ho kategoria moderadu no grave.
Apela ba populasaun iha Timor-Leste laran tomak, maski simu ona vasina, favór respeita nafatin regra prevensaun no ijiéne individuál, ne’ebé Governu hatu’ur ona, atu prevene moras COVID-19 da’et ba mai.
Regra sira-ne’e mak hanesan uza mascara, fase liman beibeik ho sabaun ka dezinfetante ruma ,evita kose liman ba matan, inus ho ibun bainhira kumprimenta malu, la presiza ka’er liman, bensa-liman, rei-malu ka haku’ak malu, evita halibur malu barak hamri’ik ka tur do’ok hosi ema seluk, mínimu metru ida ho balun.
Jornalista: Felicidade Ximenes
Editór: Cipriano Colo
