DILI, 06 setembru 2021 (TATOLI)—Komandu FALINTIL Forsa Defeza Timor-Leste (F-FDTL), liuhosi komisaun rekrutamentu sei fó-sai naran kandidatu foun iha 15 setembru tinan ne’e.
“Ita sei publika naran kandidatu foun iha 15 setembru,” Xefe Estadu Maiór F-FDTL, Brigadeiru Jenerál, Calisto dos Santos ‘Coliati’ hateten ba jornalista-sira iha edifísiu Ministériu Finansas, Aitarak Laran, segunda ne’e.
Notísia relevante:Rezultadu teste kandidatu F-FDTL sei anunsia iha samana oin
Vaga ne’ebé iha prienxe hosi membru foun hamutuk 600, hosi númeru ne’e feto iha pursentu 11 no bainhira fó-sai ona naran, sei re-integra kedan ba iha Sentru Formasaun Metinaro.
Durante ne’e instituisaun adia ka seida’uk bele fó-sai naran kadete foun ne’ebé selesionadu iha teste, tanba sei hein ekipamentu inklui farda ne’ebé halo hela akizasaun iha rai liur ne’ebé ho situasaun COVID-19 prosesu kleur oitoan.
Maski nune’e, oras-ne’e daudaun ekipamentu transporta ona, no iha hela dalan mai Timor-Leste (TL).
Jornalista: Nelson de Sousa
Editór: Cipriano Colo
Hau hakarak chek naran ffdtl nian