iklan

NASIONÁL, DILI, HEADLINE, MUNISÍPIU, SAÚDE

MS estabelese sentru hapara fuma iha Formoza

MS estabelese sentru hapara fuma iha Formoza

Ilustrasaun ema fuma sigarru. Imajen/Espesiál

DILI, 10 setembru 2021 (TATOLI)— Ministériu Saúde (MS), estabelese ona sentru hapara fuma, iha Sentru Saúde Formoza, Dili.

Tanba ne’e, Xefe Departamentu Moras La Hada’et, Frederico Bosco husu ba sidadaun ne’ebé mak hakarak hapara fuma, bele hakbesik an ona ba fasilidade saúde ne’ebé Governu prepara.

Notísia relevante:Kada Tinan, Fumadór Sira Mate 600.000

“Se mak hakarak hapara fuma bele ba iha sentru saúde Formoza tanba klinika funsiona ona no oras ne’e daudaun  profisionál saúde mós atende ona. Ita-nia sentru ne’ebé mak ita estabelese ona iha sentru saúde Formoza  hanaran sentru hapara fuma,” Frederico Bosco, hateten lia hirak ne’e liu hosi telephone, sesta ne’e.

Sentru ida-ne’e estabelese ho objetivu atu presta serbisu ba ema -sira ne’ebé hakarak hapara fuma  tanba iha timor kuaze mane adultu  liu 78% mak fuma  sigaru  no barak hosi sira, iha hakarak para fuma maibé  iha problema oitoan  ho prosesu.

Objetivu seluk maka hapara fuma la’ós  kontribui de’it ba ema ne’ebé hapara fuma ninia saúde atu di’ak maibé hanoin katak, iha ligasaun ba iha ekonomia família.

Oras-ne’e daudaun prosesu sentru hapara  fuma kuaze 100% prontu ona, maibé  seidauk halo lansamentu tanba  situasaun konfinamentu obrigatóriu  no tuir planu iha fulan ida-ne’e nia laran sei halo lansamentu tanba sasan, rekursu umanu no ekipamentu kompletu.

Jornalista: Felicidade Ximenes

Editór: Cipriano Colo

iklan
iklan

Leave a Reply

iklan
error: Content is protected !!