DILI, 27 setembru 2021 (TATOLI)–Saudozu António João Gomes da Costa ‘Ma’Huno Bulerek Karathayano’ sei haloot iha bloku foun hanaran ‘Semitériu Espesiál ba Ma’Huno’ iha Jardim dos Herois da Pátria iha Metinaro.
Notísia Relevante: Saudozu Ma’Huno sei haloot iha semitériu espesiál
Ministru ba Asuntu Kombatente Libertasaun Nasionál, Júlio Sarmento da Costa “Meta Malik” esplika saudozu Ma’Huno sei haloot iha bloku foun ida, ne’ebé besik filleira saudozu Francisco Xavier do Amaral nia rate sorin, iha bloku eskerda entre sadozu na’in-rua ne’e.
“Ho hanoin ida katak diferensa uitoan entaun saudozu Ma’Huno nian hetan fali fatin foun ida iha entrada. Estrada ida sa’e ba ne’e, besik kedas ai-bubur laran ne’e, filleira ho Francisco Xavier Amaral nia rate, tesik mai rai fuik ne’e,” Meta Malik informa ba Agência TATOLI, iha Dili, segunda ne’e.
Ne’e hatudu katak, Governu hamosu tán bloku foun seluk ne’e signifika prepara mós ba luta-na’in sira-ne’ebé moris hela ba futuru, tanba iha funu-na’in hira kedas mak sei moris iha rai ida-ne’e.
Nia fundamenta, desizaun bloku foun ne’e bazea ba dekretu Prezidente Repúblika, númeru 80/2021, 27 setembru, dekreta Estadu fó onra fúnebre no hakoi António João Gomes da Costa ‘Ma’Huno Bulerek Karathayano’ iha semitériu espesiál, iha Jardim dos Herois da Pátria iha Metinaro, Dili.
Jornalista : Evaristo Soares Martins
Editór : Cancio Ximenes
