Rejistu saúde eletrónika iha TL atinje 80%

DILI, 29 setembru 2021 (TATOLI)— Uma-ka’in ne’ebé rejistu ona sistema saúde eletrónika iha Timor-Leste (TL) atinje ona 80%, hosi totál uma-ka’in 278.948  no individu ne’ebé hetan vizita  hamutuk 1.257.116.

“Hosi númeru ne’e iha mane hamutuk 652.730 ka 51%, no feto 604.386 ka 48%,” Diretór Nasionál Saúde iha Família, Vitor Soares, informa ba jornalista sira iha salaun Delta Nova, kuarta ne’e.

Notísia relevante:MS lansa Mobile Application ba rejistu saúde eletrónika

Iha fatin hanesan, Diretór Serbisu Saúde munisípiu Viqueque, Francisco Carvalho, hateten munisípiu Viqueque liu liu rejistu saúde eletrónika la’o nafatin tanba bainhira vasina COVID-19  presiza rejistu.

Serbisu Saúde Viqueque, rejista ona uma-ka’in  rihun 10-resin ne’ebé tama ona sistema saúde iha familia.

Jornalista: Felicidade Ximenes

Editór: Cipriano Colo