DILI, 12 outubru 2021 (TATOLI)—Sala Situasaun, Sentru Integradu Jestaun Krize (CIGC, sigla Portugés), rejista kazu pozitivu foun neen, rekuperadu 52 no kazu ativu 162.
”Ohin, kazu foun neen hanesan iha Dili haat no munisípiu Bobonaro na’in-rua, kompostu hosi , mane tolu no feto tolu,’’ Koordenadór Forsa-Tarefa ba Prevensaun no Mitigasaun, Rui Maria de Araújo, hateten, liuhosi nota ne’ebé Agência TATOLI asesu, tersa ne’e.
Kazu detetadu foun ohin ho idade 20 :0 (0%) , ho idade entre tinan 12-59 na’in-lima (83,3%), idade 60 na’in-ida. Husi kazu detetadu foun ohin haat 66,6% sintomátiku.
Kumulativu kazu konfirmadu hahú 21 marsu 2020 to’o 12 outubru 2021 hamutuk 19.681. Hosi horisehik mai ohin, Laboratóriu Nasionál Saúde halo teste PCR 122, hanesan vijilánsia sentinela laiha, rastreiu ba kontaktu laiha, rastreiu aleatóriu na’in-40, viájen internasionál 14 , follow up iha kuarentena na’in-69.
Totál testes PCR ne’ebé halo horisehik 11 outubru iha munisípiu-sira seluk, hanesan RAEOA no HNGV hamutuk 126 , hanesan Munisípiu Maubisse na’in-tolu, Maliana 12, Viqueque lima, Suai 20, Baucau 56, Ermera ida, RAEOA 13, HNGV 67, Lospalos 15.
Totál doze vasina ne’ebé fó ona ba populasaun elijível tinan 18 ba leten, to’o ohin dader 10H00, loron 12 outubro tuir sistema informasaun saúde iha Ministériu Saúde totál kumulativu 1ª doze iha Dili (79,5%). Totál kumulativu 2ª doze iha Dili (70,5%).
Enkuantu, ema ne’ebé simu ona vasina doze dahuluk iha Timor Leste (65,0%) no simu ona doze daruak (41,2%).
Hosi insidénsia COVID-19 iha Timor-Leste, durante loron hitu ikus maka 0,8/100 mil abitante, enkuantu ba deit munisípiu Dili 2,0/100 mil abitante. Baucau iha insidénsia 0,8/100 mil abitante no RAEOA iha innsidensia 1,0/100 mil.
CIGC nota insidénsia munisípiu Dili, munisípiu Baucau no RAEOA tuir-tuir malu a’as-liu, iha Timor-Leste laran tomak hatudu risku a ’as-liu, atu populasaun hetan da’et, no hada’et tutan virus SARS-CoV-2, iha komunidade nia le’et.
Iha loron 12 outubru, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in 16.
Hosi kazu detetadu ne’e, hatudu na’in-tolu grave, na’in ida uza ventiladór, na’in ida uza oksíjeniu no moderadu na’in-neen inklui kaman ema na’in-hitu.
Nune’e, CIGC enkoraja ba sidadaun atu kontinua kumpre regra prevensaun, ijiene pesoál no halo teste PCR bainhira sente moras hanesan isin-manas, mear, kakorok moras ka sintoma seluk tan.
Jornalista: Felicidade Ximenes
Editór : Florencio Miranda Ximenes
