DILI, 21 outobru 2021 (TATOLI)- Institutu Defeza Nasionál Timor-Leste (IDN-TL) oferese kursu kualifikadu Estadu Maiór konjunta no Integradu (CEMCI, sigla portugés) ba ofisiál Superiór Polísia Nasionál Timor-Leste (PNTL) no FALINTIL-Forsa Defeza Timor-Leste na’in 13.
Kursu elementar CEMCI ne’e dirijidu primariamente ba offisiál superior hosi FALINTIL Forsa Defeza Timor-Leste (F-FDTL) ho Polisia Nasionál Timor -Leste (PNTL) na’in 13, kompostu hosi ofisiál F-FDTL na’in-hitu no PNTL nain-neen, ho postu Majór ba leten ne’ebe demostra husi potensia komprovadu dezempenhu funsaun nian, ba futuru kareira nian.
“Daudaun kursu Estadu Maiór tama ona iha faze finál hosi komponente formasaun tolu, hanesan komponente formsaun baze sira aprende kona ba koñesimentu sira baze nian hanesan administrasun, operasaun komputadór, metodolojia investigasaun, no lingua portuguesa tanba aula CEMCI hala’o ho aula lingua ofisiál,” refere nota ne’ebé Agência TATOLI asesu, kinta ne’e.
Obetivu prinsipál hosi kursu CEMCI ne’ebé inisiu iha jullu tinan 2021 no sei finaliza iha tinan oin atu kuallifika ofisiál superiór iha dezempeñu ho funsaun iha nivél estratéjiku no nivél operasaun nian, liuliu iha Estadu Maior konjuntu nasionál no internasionál,
Atualiza no uniformiza sira nia kompetensia no koñesementu tékniku militár no forma mós kuadru superiór hosi institusaun F-FDTL ho PNTL ho koñesementu akadémiku adekuadu, haree ba dezafiu globalizasaun hodi kumpre sira nia misaun atribui pro- ativu iha dezenvolvimentu nasionál , konsolida mós sira nia espíritu korpu entre offisiál institusaun rua ne’e.
Daudaun, formadu sira elabora ona proposta projetu traballu no sei dezenvolve durante tinan ida, tanba sira hetan ona feramente sira iha metodolojia nian, nune’e sira komesa kabe sira ida-idak husi titlu ne’ebe sira hili.
“Premeiru elabora sira nia tema rasik, kontinua ba elabora sira nia introdusaun, haree ba objetivu jerál no espesifiku no kestaun derivada, dezenvolve kapitulu sira traballu metodojia saida maka sira, referensia bibliteka, agora dadaun sira dezenvolve hela área ne’e,” nota ne’e esplika.
Entretantu, iha aprezentasaun traballu konkluzaun ne’e offisiál nain-rua hosi F-FDTL, maka la kontinua ho razaun kestaun saúde, maibe sira sei iha oportunidade ba tinan oin hodi kontinua kursu CMCI to’o finaliza.
Notísia relevante: Uniaun Europeia iha kompromisu apoia formasaun sira iha IDN-TL
Jornalista : Natalino Costa
Editór : Florencio Miranda Ximenes
