iklan

NASIONÁL, EKONOMIA, DILI, HEADLINE

ANPM-Timor Gap selebra kontratu perfurasaun mina rai-maran iha munisípiu tolu

ANPM-Timor Gap selebra kontratu perfurasaun mina rai-maran iha munisípiu tolu

ANPM no Kompañia Timor Gap Pualaka Bloku (TGPB) selebra kontratu PSC ka Kontratu Partilla Produsaun (PSC TL-OT-21-10) ho durasaun tempu tinan hitu atu realiza prosesu esplorasaun no perfurasaun mina rai-maran. Imajen/Espesiál.

DILI, 07 dezembru 2021 (TATOLI)–Autoridade Nasionál Petróleu no Minerál (ANPM) no Kompañia Timor Gap Pualaka Bloku selebra kontratu PSC ka Kontratu Partilla Produsaun (PSC TL-OT-21-10) ho durasaun tempu tinan hitu atu halo esplorasaun no perfurasaun mina rai-maran iha munisípiu tolu ho érea 1,575 kilómetru kuadradu.

Diretór Manéjer Timor Gap Pualaka Bloku, Lamberto Fernandes relata katak kualidade mina iha Pualaka bloku Munisípiu Viqueque, Manufahi no Manatuto ne’e di’ak, maibé ninia kuantidade mak seidauk hatene.

Tuir nia katak atu hateten kuantidade hosi mina iha munisípiu tolu ne’e maka prosesu dahuluk tenke halo estudu sesmíku no estudu naun sesmiku atu bele prova kuantidade, maibé kualidade TG la kestiona.

“Agora servisu boot ida ba ita mak buka atu hatene kuantidade hosi mina ne’e. Tan ne’e, ita tenke halo estudu hodi hatene ninia kuantidade,” dehan Lamberto Ferandes ba jornalista sira iha otél Novo Turizmu, Dili, tersa ne’e.

Nia esplika katak durante loron 60 sira tenke kompleta prosesu balun depois tenke submete mós programa servisu nian ba ANPM atu estuda maka sira foin kontinua halo estudu, atu nune’e bele garante fulan neen (6) periódu dahuluk ne’e bele halo ona esplorasaun iha bloku balun nia laran.

Tanba rezultadu ne’ebé mak garante esplorasaun iha Munisípiu tolu ne’e maka prosesu estudu Jeokímika no full extantion radiométer, tinan barak TG estuda kona ba sistema Petróleu jeolojia ne’e maka konsege deskobre fatin sira ne’e, no hatudu katak iha Munisípiu tolu ne’e mós konserva mina ho kualidade

Prezidente Autoridade Nasionál Petróleu Minerál (ANPM) Florentino Mateus Soares Fereira deklara katak asinatura entre TG ho ANPM ne’e nu’udar faze dahuluk iha istória jornada indústria petróleu, tanba TG asina kontratu partilla produsaun gás Production shering contract (PSC) hanesan empreza sira seluk asina.

Ne’e duni Pualaka ninia bloku ida ne’ebé ohin asina ne’e, nia na’in maka TG. Sira sei halo planu de traballu atu hala’o atividade fíziku no atividade perfurasaun hanesan empreza sira seluk halo. Ba oin TG hakarak konvida tan empreza sira seluk ne’e ninia direitu. Hanesan ANPM selebra de’it kontratu ho empreza sira.

Jornalista : Tomé Amado

Editór      : Cancio Ximenes

iklan
iklan

Leave a Reply

iklan
error: Content is protected !!