iklan

EDUKASAUN, BAUCAU, HEADLINE, MUNISÍPIU

Edukasaun Baucau hahú rekolla dadus EBF Bucoli

Edukasaun Baucau hahú rekolla dadus EBF Bucoli

Diretór Servisu Munisipál Edukasaun Baucau, Augosto Hornai Ximenes. Imajen Tatoli/Natalino Belo.

BAUCAU, 23 dezembru 2021 (TATOLI) – Servisu Munisipál Edukasaun Baucau hamutuk ho diresaun Ministériu Edukasaun Juventude no Desportu (MEJD) hahú rekolla dadus atu responde kondisaun Eskola Baziku Filiál (EBF) Bucoli ne’ebé anin-sobu foin lalais ne’e.

Diretór Servisu Munisipál Edukasaun Baucau, Augusto Hornai Ximenes, simu ona informasaun hosi Koordenadór EBF no Diretór Eskola Bázika Sentrál Triloka relasiona ho kondisaun eskola ne’ebé kauza hosi dezastre naturál.

Nune’e parte tékniku sira direitamente to’o iha fatin akontesimentu hodi observa no rekolla infraestrutura ne’ebé estragus no verbalmente relata ona ba Ministériu Edukasaun, Juventude no Desportu (MEJD) nasionál.

“Tékniku edukasaun munisipál daudaun ne’e hamutuk ho diresaun jeral inkluzaun MEJD direitamente ba haree kondisaun eskola depois foti asaun ruma hodi responde ba situsaun ne’ebé akontese iha EBF Bucoli,” Augosto hateten iha Sentru Konvensaun Baucau (CCB, sigla Portugés), kinta ne’e.

Eskola Bázika Filiál Bucoli hahú ferias iha loron 13 dezembru to’o 4 janeiru 2022 maske prosesu rejistrasaun ba estudante primeiru to’o segundu siklu no sei hahú tinan letivu foun iha loron 24 janeiru 2022.

“Sei iha tempu fulan-ida ba ministériu no asaun sosiál atu konstrui lalais iha tempu besik antes hahú prosesu aprendizajen iha tinan letivu foun,” Augosto akresenta.

Hafoin akontesimentu udan akompanã anin-boot iha Bucoli, Agência TATOLI observa direta kondisaun EBF Bucoli tanba anin-sobu edifísiu rua hamutuk sala-hitu no dokumentu estragus totál.

EBF Bucoli rasik filiál ba Ensinu Bázika Sentrál (EBC, sigla portugés) Triloka ho totál estudante hamutuk 421 hosi primeiru to’o terseiru siklu no totál profesór 14 komposta hosi permanente na’in-sia no kontratadu na’in-lima.

Notisia relevante: Governu apoia nesesidade bázika ba vítima dezastre naturál Bucoli

Jornalista         : Natalino Belo

Editór               : Evaristo Soares Martins

iklan
iklan

Leave a Reply

iklan
error: Content is protected !!