iklan

INTERNASIONÁL, DESPORTU, HEADLINE

SEJD konsidera pasu di’ak ekipa Lafaek bele manan Brunei Darussalam

SEJD konsidera pasu di’ak ekipa Lafaek bele manan Brunei Darussalam

Sekertáriu Estadu Jobentude no Desportu (SEJD), Abrão Saldanha. Imajen Tatoli/Antonio Dasiparu

DILI, 18 fevereiru 2022 (TATOLI)–Sekretáriu Estadu Juventude no Desportu (SEJD), Abrão Saldanha, louva prestasaun ekipa Timor-Leste ho naran estimadu Lafaek U-23, ne’ebé susesu hetan vitória dahuluk iha jogu ASEAN Football Federation (AFF) CUP 2022, ne’ebé hala’o iha Kamboja, iha kinta kalan, hodi manan adversáriu Brunei Darusalam ho eskore 3-1.

“Ida-ne’e pasu di’ak tebes ba ita no esperansa ida, katak investimentu kontinua halo iha futeból, maibé nafatin fó hanoin katak investe ne’e hosi baze,” Sekretáriu Estadu hateten iha Sentru Konvensaun Dili (CCD, sigla portugés), sesta ne’e.

Notísia relevante: Jogu AFF Cup U-23, Timor-Leste manán Brunei 3-1

Governante ne’e konsidera, durante jogu, ekipa selesaun U23 hatudu rezultadu di’ak.

“Ne’e signifika bele investe barak liután iha kiik-oan sira sei bele fó prestasaun di’ak liután ba ita-nia rain,” nia akresenta.

Nune’e, Sekretáriu Estadu apela ba ekipa atu kontinua hatudu prestasaun di’ak, forsa no korajen tanba povu Timor-Leste orgullu bele iha ekipa ne’ebé hamorin nasuan nia naran.

Jornalista : Antónia Gusmão

Editora      : Julia Chatarina

iklan
iklan

Leave a Reply

iklan
error: Content is protected !!