ELEISAUN, HEADLINE, MUNISÍPIU, OÉ-CUSSE (RAEOA), POLÍTIKA

Arsénio Bano husu povu Atoni partisipa másima iha eleisaun volta daruak

Arsénio Bano husu povu Atoni partisipa másima iha eleisaun volta daruak

Prezidente Autoridade RAEOA, Arsénio Paixão Bano. Imajen Tatoli/Abílio Elo Nini.

OÉ-CUSSE, 06 abríl 2022 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, apela ba populasaun iha teritóriu Oé-Cusse, atu partisipa másima iha eleisaun prezidensiál volta daruak.

“Autoridade sei koodena ho STAE hamutuk autoridade komunitáriu atu apoia mobiliza populasaun, tanba taxa partisipasaun ne’e tenke aumenta, ha’u fó apelu ba populasaun Oé-Cusse, ita tenke partisipa tanba eleisaun ne’e importante atu ita hili ita-nia prezidente repúblika, ba tinan lima nian,” Arsénio Bano informa ba Agência Tatoli iha Oé-Cusse, kuarta ne’e.

Tuir nia, loloos populasaun tenke partisipa másima, tanba iha períodu ne’e, órgaun eleitorál sira aumenta sentru votasaun barak, iha kada aldeia to’o bairru, tán ne’e, laiha razaun atu lakohi partisipa.

“Ha’u hanoin ita Oé-Cusse mak númeru aas liu munisípiu 12, tanba ita-nian 12.582 maka la konsege ezerse direitu votu iha 19 marsu eleisaun prezidensiál períodu 2022-2027,” nia katak.

Prezidente Autoridade RAEOA kongratula Komisaun Nasionál Eleisaun (CNE, sigla portugés), Sekretáriadu Tékniku Administrasaun Eleitorál (STAE) no Polísia Nasionál Timor-Leste (PNTL), hamutuk observadór internasionál Uniaun Europeia (EU), fiskál kandidatura sira, tanba servisu hamutuk hodi hala’o eleisaun prezidensiál volta dahuluk iha Oé-Cusse la’o susesu.

Tuir kontajen hosi ofisiál STAE, iha RAEOA apuramentu iha domingu 20 marsu ne’e, rejista eleitór 12.582 la vota.

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!