BAUCAU, ELEISAUN, HEADLINE, IMAJEN, MUNISÍPIU, POLÍTIKA

Edukasaun votante hatudu progresu di’ak iha eleisaun volta daruak

Edukasaun votante hatudu progresu di’ak iha eleisaun volta daruak

Diretór STAE Munisípiu Baucau, Lúcio Freitas Salvador. Imajen Tatoli/Natalino Belo.

BAUCAU, 20 abríl 2022 (TATOLI) – Edukasaun votante ne’ebé lidera hosi Sekretariadu Tékniku Administrasaun Eleitorál (STAE) hatudu progresu di’ak iha eleisaun prezidensiál volta daruak tanba votu nulu iha redusaun.  

Diretór STAE Baucau, Lúcio Freitas Salvador, hateten totál taxa partisipasaun eleitór iha Baucau másimu tanba korresponde ba 74,35% hosi eleitór 69.952 ho hosi votante 95.708.

“Iha progresu di’ak, tuir duni planu no estratéjia ne’ebé ita iha,” Diretór STAE Baucau hateten iha Vila Nova, kinta ne’e.

STAE rejiista votu nulu iha eleisaun prezidensiál volta daruak hamutuk 524 korresponde (0,75%) redus 1.511 kompara ho volta dahuluk hamutuk eleitór 2.035.

Redusaun refere tanba hafoin eleisaun prezidensiál volta dahuluk, STAE kontinua realiza edukasaun votante hodi tún direita ba baze hanesan parte estratéjia hodi minimiza votu nulu iha Baucau ne’ebé antes ne’e aas iha Timor-Leste.

Programa refere implementa hosi ofisiál edukasaun votante inklui brigadista ba kada suku sira iha postu admistrativu neen.

Matéria importante iha programa edukasaun votante ne’e mak hanesan maneira oinsá vota ho loloos nune’e hasa’e taxa partisipasaun.

Eleitór  balun rekomenda atu eleisaun tuir mai lalika utiliza lapizeira maibé utiliza de’it pregu tanba votu nulu maioria eleitór sira-ne’ebé vota uza lapizeira hanesan asinatura buletin no hakerek liafuan la edukativu.

“Bainhira verifika, identifika buletin iha asinatura, letra, kandidatura na’in-rua de’it maibe marka hotu kedas, signifika ho intensaun duni,” Lúcio akresenta.

Rezultadu apuramentu munisípiu Baucau iha eleisaun prezidensiál volta daruak, kandidatu Prezidente Repúblika númeru sorteiu rua, Francisco Guterres ‘Lú Olo’ manán ho votu 45.985 (66,45%) no José Manuel Ramos Horta okupa segundu lugár ho votu 23.217 (33,55%).

Totál eleitór ne’ebé ezerse direitu votu iha eleisaun prezidensiál iha Baucau na’in-69.952 ho taxa partisipasaun 73,09% hosi totál votante 95.708, kompostu hosi votu nulu 524 (0,75%), reklamasaun 25 (0,04%), rezeitadu ida, abandonadu sia (0,01%),branku 191 (0,27%) nune’e totál votu válidu 69.202 (98,93%).

Notisia relevante: STAE Baucau transporta ona rezultadu apuramentu ba nasionál

Jornalista     : Natalino Belo

Editór            : Evaristo Soares Martins

iklan
iklan

Leave a Reply

iklan
error: Content is protected !!