DILI, 20 abril 2022 (TATOLI)—Governu liuhosi Sekretaria Estadu Formasaun Profisionál no Empregu (SEFOPE), kuarta ne’e, haruka tan traballadór timor-oan na’in-75 ba serbisu iha Koreia Súl.
“Ha’u agradese ba Governu Koreia Súl ne’ebé nafatin iha kompromisu simu timor-oan sira ba serbisu iha Koreia Súl hodi bele redús númeru dezempregu iha ita-nia nasaun no bele hasa’e kreximentu ekonómika,” Diretór Nasionál Empregu Exteriór, Filomeno Soares, liuhosi nota ne’ebé Agência Tatoli asesu.
Notísia relevante: Traballadór 94 arranka bá Koreia Súl no rua kansela viajen
Biban ne’e, Diretór Nasionál Empregu Exteriór, husu ba traballadór sira atu hatudu komportamentu serbisu di’ak no labele halai ses hosi sistema, nune’e empregadór sira bele fó tan serbisu ba joven timor-oan sira ne’ebé presiza serbisu.
Traballadór timor-oan na’in-75 ne’ebé arranka kompostu hosi mane hotu, sei ba serbisu iha área fábrika na’in-41 no iha área na’in-34.
Jornalista : Arminda Fonseca
Editora : Julia Chatarina
