DEFEZA, HEADLINE

MD relata progresu serbisu ba PM

MD relata progresu serbisu ba PM

Ministru Defeza, Filomeno da Paixão de Jesus. Imajen Tatoli/Francisco Sony

DILI, 22 abríl 2022 (TATOLI)— Ministru Defeza (MD), Filomeno da Paixão de Jesus, sesta ne’e, hala’o sorumutuk semanál ho Primeiru Ministru, Taur Matan Ruak, hodi relata progresu dezenvolvimentu FALINTIL-Forsa Defeza Timor-Leste (F-FDTL). 

“Ha’u mai hasoru ho Primeiru Ministru hodi fó hatene kona-bá dezenvolvimentu FALITIL-Forsa Defeza Timor-Leste (F-FDTL) no instituisaun Defeza nian,” Ministru Defeza, hateten ba jornalista sira hafoin ramata reuniaun ho Xefe Governu iha rezidénsia Faról-Dili, sesta ne’e.

Ministru Paixão dehan dezenvolvimentu F-FDTL no instutituisaun Defeza la’o di’ak no kontinua fortifika kooperasaun entre Polísia Nasionál Timor- Leste (PNTL) no F-FDTL atu asegura seguransa iha país ne’e.

Enkuantu, orsamentu tinan 2022, Ministériu Defeza (MD) prevee $10,934,731 hodi aloka ba saláriu vensimentu $1,404,635, bens servisu $6,278,204, kapitál menór $1,761,642, kapitál dezenvolvimentu $1,490,250 no transferénsia públika laiha, no orsamentu ne’e finansia programa tolu (3), sub-programa lima (lima) no atividade 21.

Programa defeza nasionál sei gasta $8,796,389, programa boa-governasaun no jestaun instituisionál sei gasta $2,063,461 no programa igualdade jéneru no inkluzaun sosiál sei gasta $74,881.

Programa defeza nasionál ho nia objetivu médiu prazu populasaun Timor-Leste seguru no proteje konta ameasa externa.

Sub-programa defeza militár ho ninia atividade mak kooperasaun defeza militár, dezenvolve sistema komandu no kontrola, dezenvolve no kapasita sistema autoridade máritima, konstrusaun infraestrutura foun defeza no militár, akizasaun ekipamentu no materiál ba militár, reparasaun no manutensaun infraestrutura, ekipamentu no arma militár, reparasaun no manutensaun ekipamentu roo militár no atividade asisténsia saúde militár.

Sub-programa formasaun no dezenvolvimentu rekursu umanu iha área defeza no seguransa no nia atividade mak formasaun no kapasitasaun rekursu umanu Ministéiru Defeza no F-FDTL, rekrutamentu militár no funsionáriu Ministériu Defeza.

Entretantu, programa boa-governasaun no jestaun instituisionál ho nia sub-programa rua no atividade sia.

Programa igualidade jéneru no inkluzaun sosiál ho nia sub-programa implementasaun NAP-rezolusaun 1325 (2000) ONU kona-bá WPS, ho nia atividade  promove lideransa no kapasidade feto iha F-FDTL, sosializasaun ba insetiva feto miliár implementa abordajen integradu igualidade jéneru.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!