HEADLINE, MUNISÍPIU, OÉ-CUSSE (RAEOA), POLÍTIKA

MAPKOMS dokumenta atividade governasaun setór haat iha RAEOA

MAPKOMS dokumenta atividade governasaun setór haat iha RAEOA

MAPKOMS hasoru PA RAEOA, dokumenta atividade Governasaun iha setór haat. Imajen mídia ZEEMS.

OÉ-CUSSE, 11 maiu 2022 (TATOLI) – Ministériu ba Asuntu Parlamentár no Komunikasaun Sosiál (MAPKOMS), liuhosi Diresaun Nasionál Diseminasaun Informasaun, kuarta ne’e enkontru ho Prezidente Autoridade Rejiaun Administrativa Espesiál Oé-Cusse Ambeno (RAEOA) atu halo dokumentasaun ba setór haat ba atividade Governasaun iha rejiaun ne’e.

“Objetivu hosi atividade ne’e, atu publika atividade Governasaun liuliu progresu no dezafiu ne’ebé maka RAEOA enfrenta, no saida maka halo ona iha durante tinan barak, entaun ami mai buka informasaun sira-ne’e atu publika fila-fila, ho modelu dokumentasaun,” Phinto Alves Gonzaga, ko’alia iha RAEOA.

Xefe ekipa produsaun audio-vizuál, Phinto Alves Gonzaga, hatete, objetivu ekipa hosi MAPKOMS hasoru Prezidente Autoridade atu husu autorizasaun hodi prodús pakote televizivu ne’ebé maka bainbain fó-sai liuhosi mídia estatál, RTTL,EP, ba setór agrikulrura, saúde, edukasaun no infraestrutura.

Nia fundamenta, dokumentasaun ne’ebé ekipa MAPKOMS levanta iha setór haat, setór agrikultura, setór infraestrutura, setór saúde no edukasaun, ne’ebé autoridade ezekuta ona durante ne’e.

Prezidente Autoridade RAEOA, Arsénio Paixão Bano, orgullu tanba RAEOA rai enklave presiza promove atividade sira ho aspetu pozitivu.

“Ha’u kontente tanba MAPKOMS haruka ekipa mídia mai iha RAEOA atu halo kobertura, ba atividade ne’ebé Autoridade hala’o ona iha povu Oé-Cusse, entaun ha’u hakarak ba oin, koordenasaun importante atu promove ita-nia rai Oé-Cusse hosi aspetu pozitivu,” nia orgullu.

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!