iklan

DESPORTU, DILI, HEADLINE, INTERNASIONÁL

Selesaun Nasionál U-19 arranka bá Indonézia hodi partisipa kopa AFF 2022

Selesaun Nasionál U-19 arranka bá Indonézia hodi partisipa kopa AFF 2022

Ekipa selesaun nasionál U-19. Imajen/espesiál

DILI, 28 juñu 2022 (TATOLI)– Selesaun Nasionál U-19, tersa ne’e, arranka ona bá Indonézia hodi partisipa kopa Asian Football Association (AFF) 2022, ne’ebé sei realiza iha fulan jullu ne’e.

Jogadór U-19 hamutuk na’in-21 ne’ebé akompaña ho treinadór prinsipál Eduardo Pereira, hala’o viajen ba Indonézia ho aviaun Citilink, iha tuku 11:00.

“Ohin, ita nia selesaun nasionál U-19 arranka ona bá Indonézia hodi partisipa iha jogu AFF ne’ebé sei hala’o fulan jullu, iha Jakarta-Indonézia,” dehan Frederico Martins ba Agência TATOLI iha edifisiu FFTL, tersa ne’e.

Notísia relevante:  Selesaun nasionál U-19 hahú treinu fíziku no tékniku kompete Copa AFF 2022

Tuir oráriu ne’ebé iha jogu ne’ebé hala’o iha Indonézia, hahú 02 jullu ne’ebé partisipa hosi nasaun 11 iha ASEAN mak hanesan, Brunei Darusalam, Malázia, uma-na’in Indonézia, Timor – Leste, Cambodia, Filipina, Myanmar, Laos, Singapura, Thailandia no Vietname.

Iha eventu rejionál ne’e, Timor -Leste tama iha grupu B kompostu hosi, Malázia, Laos, Kambodia no Singapura. Enkuantu grupu A mak, uma-na’in Indonezia, Myanmar, Vietnam, Tailándia, Brunei no Filipina.

Abertura kopa AFF ne’e, hahú iha loron sábadu (02/07), ne’ebé  ekipa Myanmar  kontra Brunei iha Estádiu Madya-Jakarta, tuku 15:00 no iha tuku 17:00 ekipa Tailándia kontra Filipina iha Estádiu Patriot Candrabaga.

Iha loron Domingu (03/07), ekipa Timor -Leste kontra Laos iha Estádiu Madya, iha tuku 15:00 oras Indonézia. Nune’e mós iha tuku 19:00, ekipa Singapura hasoru Kambodia iha Estádiu Madya.

Iha loron tuir mai, Segunda (04/07), ekipa Vietname kontra Filipina iha Estádiu Madya, iha tuku 17:00, Myanmar kontra Thailandia iha Estádiu Patriot Candrabaga iha tuku 20:00 no jogu ikus ekipa Indonézia hasoru Brunei iha Estádiu Patriot Candrabaga.

Iha loron tersa (05/07), tuku 15:00 oras Indonézia, ekipa Kambodia kompete ho Malázia iha Estádiu Madya, iha tuku 19:00, ekipa Singapura hasoru malu Timor-Leste iha Estádiu Madya.

Entretantu, iha kuarta (06/07), ekipa Filipina joga hasoru Myanmar iha Estádiu Madya, iha tuku 15:00 no iha tuku 20:00 ekipa Indonézia kontra Thailandia iha Estádiu Patriot Candrabaga.

Iha loron kinta (07/07), ekipa Malázia Vs Singapura, iha tuku 15:00 iha Estádiu Madya, nune’e mós iha tuku 19:00, ekipa Laos hasoru Kambodia iha Estádiu Madya.

Iha sesta (08/07) iha jogu tolu mak hanesan ekipa Myanmar hasoru Vietname iha Estádiu Madya, tuku 15:00. Iha tuku 17:00, ekipa Tailándia kontra Brunei iha Estádiu Patriot Candrabaga, iha tuku 20:00 no Ekipa Filipina kontra Indonézia iha Estádiu Patriot Candrabaga.

Iha loron sábadu (09/07), ekipa Laos kontra Singapura, iha tuku 15:00, iha Estádiu Madya no iha tuku 19:00, ekipa Timor-Leste jogu hasoru fali Malázia iha Estádiu Madya.

Loron 10 jullu, ekipa Brunei hasoru fali Filipina, iha tuku 15:00 iha Estádiu Patriot Candrabaga, Ekipa Vietname kontra Tailándia no iha tuku 20:00, ekipa Indonézia kontra Myanmar iha Estádiu Patriot Candrabaga.

Loron segunda (11/07), iha tuku 15:00, ekipa Kambodia hasoru Timor-Leste iha Estádiu Madya, no iha tuku 15:00, ekipa Malázia hasoru Laos iha Estádiu Patriot Candrabaga.

Ikus liu, iha  loron 13 jullu ba leten jogu faze grupu ramata ona sei ultrapasa ba iha semi-final bainhira iha grupu rua ne’e, maibé so ekipa rua de’it mak liu hodi ba joga iha semi-finál.

Ho nune’e, iha semi-finál ekipa haat mak sei kompete hanesan ekipa ne’ebé juara pool no runner-up grup mak sei ultrapasa, nune’e jogu finál ba AFF U-19 2022 realiza iha loron 15 jullu.

Notísia relevante:   FFTL hahú kontaktu PSSI hodi ekipa U-19 bá treinu iha Jakarta

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!