iklan

EKONOMIA, HEADLINE, MUNISÍPIU, OÉ-CUSSE (RAEOA)

Projetu turizmu kulturál Nunuhenu atinje 45%

Projetu turizmu kulturál Nunuhenu atinje 45%

Prezidente Autoridade RAEOA, Arsénio Paixão Bano. Imajen Tatoli/Francisco Sony.

OÉ-CUSSE, 29 juñu 2022 (TATOLI) – Projetu turizmu kulturál Nunuheno ne’ebé konstrui iha aldeia Noeninen, suku Cunha, Rejiaun Administrativa Espesiál Oé-Cusse Ambeno (RAEOA), daudaun ne’e progresu fíziku atinje ona 45%.

“Ami halo ona fiskalizasaun dala-rua nian ba projetu ne’e, atu haree observa nia progressu serbisu no haree mós planu serbisu no kualidade konstrusaun nune’e bele aselera tuir termu kantratu ne’ebé autoridade atribui, tanba autoridade nia hakarak tinan ne’e tenke remata ona, tanba fatin ne’e sagradu ba suku 18 iha Oé-Cusse,” Prezidente Autoridade (RAEOA), Arsénio Paixão Bano, hatete iha Oé-Cusse, kuarta ne’e.

Autoridade RAEOA sei harii uluk kapela no lutu haleu, nune’e iha tinan oin, kontinua halo konstrusaun ba paizajen sira kompleta ho nia parke iha fatin ne’e, atu prioritiza fatin istóriku Nunuheno ne’e sai fatin serbí ba ema hotu.

“Fatin ba ema hotu hosi rai-boot nasaun viziñu sira mai sunu-lilin, tanba fatin ne’e koñesidu, envolve sei de’it inklui partidu, inan-aman, joven ne’ebé hakarak hetan grasa bensaun hosi bei-ala sira kuandu ba fatin dook, entaun autoridade deside atu halo hadi’a fatin ne’e,” nia katak.

Projetu konstrusaun turizmu kulturál, ezekuta hosi empreza Grand Enklave Unip, Lda, ho valór orsamentu $440.844.93, ne’ebé aloka hosi Orsamentu Jerál Estadu (OJE) 2021 nian ho durasaun serbisu loron 120 ne’ebé envolve traballadór hamutuk na’in-14.

Notisia relevante: 

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!