iklan

DILI, HEADLINE, INTERNASIONÁL

Ekipa delegasaun “Fact Finding Mission” ASEAN to’o ona Timor-Leste

Ekipa delegasaun “Fact Finding Mission” ASEAN to’o ona Timor-Leste

Vise Ministru Negósiu Estranjeiru no Kooperasaun (MNEK), Julião da Silva. Imajen/Egas Cristovão.

DILI, 04 jullu 2022 (TATOLI) – Vise Ministru Negosiu Estranjeiru no Kooperasaun (MNEK), Julião da Silva, informa ekipa avansadu “Fact Finding Mission” ASEAN hosi Kamboja to’o ona Timor-Leste atu halo avaliasaun ba pilár sósiu no kulturál, nune’e bele Timor-Leste adere ba ASEAN.

“Ohin, ekipa avansadu “Fact Finding Mission” ASEAN hosi Kamboja to’o ona Timor-Leste, atu halo avaliasaun ba preparasaun pilár sósiu-kulturál,” dehan Vise ne’e ba Jornalista-sira iha Palasiu Governu, segunda ne’e.

Nia dehan, semana kotuk MNEK koordena ona ho liña Ministeriál hotu atu kontribui durante membru sekretariádu ASEAN nian halo avaliasaun iha Timor-Leste.

“Ida ne’e sira nia vizita ikus hosi “Fact Finding Mission” atu hein desizaun ikus atu deklara katak ita adere ba ASEAN,” nia relata.

Tuir nia, daudaun Timor-Leste iha ona kondisaun di’ak no liu nasaun balun ne’ebé antes ne’e tama uluk iha membru ASEAN, maibé distinu tomak Timor-Leste nian iha sekretariadu ASEAN mak halo avalia no deside.

Ho nune’e, Timor – Leste manifesta nafatin nia prontidaun atu tama lalais ba membru ASEAN iha tempu besik.

Ekipa “Fact Finding Mission” sei halo avaliasaun durante loron tolu hahú  loron 06 too 08 jullu tinan ne’e.

Notísia relevante: Fulan ne’e, ekipa “Fact-Finding Mission” ASEAN mai TL hodi avalia pilár sósiu-kulturál

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!