DILI, 05 jullu 2022 (TATOLI)–Uniaun Europeia iha Timor-Leste liuhusi Parseria ba melloria jestaun no supervizau finansa públika (PMFO, sigla portugés) komponente 2 programa ‘Osan povu nian jere ho di’ak’, kontinua halo estensaun hodi apoia Polísia Sientífika Investigasaun Kriminál (PCIC, sigla portugés) to’o 2023.
Serimónia estensaun kooperasaun ne’e selebra liuhusi asinatura akordu entre Embaixadór Uniaun Europeia, Andrew Jacobs ho Embaixadora Portugal, Manuela Bairos iha auditóriu Ministériu Finansa, tersa ne’e.
Embaixadór Andréw Jacobs informa UE kontinua apoiu PCIC ho montante orsamentu hamutuk millaun 12 ba fulan 18 no kontinua disponibiliza ekipamentu informátiku hanesan Server no Sistema software hodi fasilita servisu PCIC nian hodi kombate krime informátika.
Produsaun Tatoli I.P©2022
