DESPORTU, DILI, HEADLINE, INTERNASIONÁL

Ekipa delegasaun “Fact Finding Mission” ASEAN vizita SEJD no FFTL

Ekipa delegasaun “Fact Finding Mission” ASEAN vizita SEJD no FFTL

Imajen/espesial

DILI, 08 jullu 2022 (TATOLI)— Ekipa delegasaun “Fact Finding Mission” ASEAN ne’ebé halo avaliasaun ba pilár sósiu no kulturál, vizita ba Sekretáriu Estadu Juventude no Desportu (SEJD) no Federasaun Futeból Timor-Leste (FFTL) hodi avalia no haree prosesu sósiu-kultural Timor-Leste nian.

Ekipa ne’ebé vizita ba SEJD no FFTL lídera husi Ofisiál Komunidade Sosiál no Kultural hosi  Indonézia, Iwan Eka Setiawan, hanesan mós Xefe Departementu Planeamentu no Kooperasaun.

“Vizita  delegasaun  Fact Finding Mission  ASEAN ne’e hodi halo avaliasaun ba pilár sósiu no kulturál, nune’e Timor-Leste bele adere ba ASEAN,” dehan SEJD Abrão iha komunikadu ne’ebé TATOLI asesu, sesta ne’e.

Iha reuniaun, delegasaun ASEAN ho kada instituisaun relevante sira sosiu-kultura ne’e, husi parte SEJD nian mak kona-ba enkuadramentu legál, kapasidade atu organiza eventu ASEAN iha área juventude no desportu, molok sekretariádu ASEAN nian kona-ba pilár sósiu kultural elabora hodi avalia.

“Nu’udar Sekretáriu Estadu, vizita  ne’e hanesan oportunidade ba ASEAN hodi halo avaliasaun ba pilar ASCC no halo evaluasaun ba preparasaun Timor-Leste sai membru ASEAN liuhusi observa kondisaun reál iha terenu,” refere nota ne’e.

“Ne’e ligadu ho ita nia prosesu atu aplika sai membru ASEAN ninian. Misaun ne’e mai avalia ida ne’e, ohin sira mai husu pergunta sira kona-ba saida mak ita dezenvolve ona lejislasaun, politika publika, infrastrutura sira no saida mak ita persija husi Asean atu ajuda”.

SEJD inklui mós entidade save, tanba asuntu juventude no desportu  area  ne’ebé persija  mós halo diskusaun tekniku tuir blueprint ASCC nian.

ASEAN kompostu husi nasaun Kambodia, Indonézia, Filipina, Singapura , Malayzia, Thailandia, Vietname, Brunei  Darusalam,   Laos no Myanmar

Entertantu, Ekipa Fact Finding Mission ASEAN vizita FFTL hodi buka hatene situasaun sosiu no kultural iha Timor-Leste iha área futeból nian

“Iha enkontru ne’e, ami aprezenta situasaun jerál futeból iha Timor-Leste tinan hirak ikus ne’e. Delegasaun ASEAN apresia tebes progresu futeból ne’ebé alkansa nu’udar nasaun ne’ebé independensia tinan 20 ona,” dehan Adjuntu Sekretariu Jeral FFTL Frdederico Martins ba Agencia TATOLI hafoin remata enkontru ho ekipa Fact Finding Mission iha edifisiu FFTL, sesta ne’e.

Apresiasaun ASEAN nian ba futeból Timor – Leste tanba iha tinan sira-ba kotuk Timor-Leste hatudu jogu ne’ebé diak iha kompetisaun sira hanesan AFC, AFF no seluk tan.

Haree ba ekipa U-23 Timor-Leste iha 2022 sai terseiru lugar iha kopa AFF ne’e progresu ne’ebé di’ak ba Timor-Leste iha.

Jornalista: Hortencio Sanchez

Editór      : Florencio Miranda Ximenes 

iklan
iklan

Leave a Reply

iklan
error: Content is protected !!