EKONOMIA, HEADLINE, MUNISÍPIU, OÉ-CUSSE (RAEOA)

RAEOA seidauk hato’o karta aseitasaun ba ETO atu fornese kombustível ba Rota do Sândalo

RAEOA seidauk hato’o karta aseitasaun ba ETO atu fornese kombustível ba Rota do Sândalo

Sekretária Rejionál ba Asuntu Finansa RAEOA, Maria Eliza Maniquim. Imajen Tatoli/ Abílio Elo Nini.

OÉ-CUSSE, 02 agostu  2022 (TATOLI) – Autoridade Administrativa Espesiál Oé-Cusse Ambeno (RAEOA), seidauk aprezenta karta aseitasaun ba empreza Esperansa Timor Oan (ETO), hodi fornese kombustível avtur ba iha aeroportu Rota do Sândalo tanba sei hadi’a kabimentasaun Orsamentu Jerál Estadu (OJE) nian iha gabinete prezidente autoridade.

Sekretária Rejionál ba Asuntu Finansa, Maria Eliza Maniquin, informa, iha loron 21 jullu 2022 autoridade RAEOA anunsia kontratu ho númeru 195/UAR/SRF/VII/2022, bazea ba dekretu-lei nú. 10/2005, artigu 89.2, Rejime Jurídiku Aprovizionamentu (RJA) RAEOA, anúnsia liuhosi aprovizionamentu no lojiztika ho intensaun ajudikasaun ba empreza ETO sai manán-na’in.

Ajudikasaun ne’e bazea ba avalizasaun hosi painél avaliasaun ne’ebé hala’o avaliasaun téknika no finánseira tuir matrix avaliasaun iha dokumentu konkursu ne’e.

Nune’e haree ba matrix avaliasaun iha abilitasaun profisionál, kapasidade téknika no esperiénsia nomoos ba kapasidade finanseira aas no prienxe rekizitu iha lote públiku ne’e.

Entaun empreza ETO Unipesoál Lda, mak sai manán-na’in iha konkursu públiku ne’e ho títulu projetu‘Suply of Jet A1 fuel (AVTUR) for the RAEOA-ZEESM TL Aircraft’,  ho nú. Request for Quatation (RFQ) RAEOA-ZEESM TL SRF/UAL/2022-024.

Nune’e valór kontratu ba projetu ne’e hamutuk rihun $220, ne’ebé autoridade RAEOA prevee hosi Orsamentu Jerál Estadu (OJE) 2022 nian, maibé autoridade seidauk aprezenta karta aseitasaun ba empreza tanba sei hadi’a kabimentasaun orsamentu molok fornese konbustível.

“Prosesu konkursu ba avtur, iha Timor-Leste ita iha pre-kualifikasaun rua kona-ba mina ninian, ETO ho PERTAMNINA, foin daudaun ami prosesa konbustível atu fornese iha aeroportu Rota do Sândalo, ne’ebé manán iha konkursu ne’e avtur hosi ETO, maibé autoridade seidauk hasai nia karta aseitasaun tanba iha fallansu ruma iha kabimentasaun orsamentu, ne’ebé ami seidauk bele halo karta aseitasaun ba empreza ETO,” Maria Eliza Maniquim, ko’alia Oé-Cusse, tersa ne’e.

Maibé autoridade nafatin kompromete empreza ETO mak nafatin sai hanesan manán-na’in iha konkursu públiku ne’e, tanba empreza kumpre rekizitu liuhosi prosesu aprovizionamentu.

“Ami komunika ona ho Gabinete Prezidente Autoridade atu hadi’a kabimentasaun orsamentu, tanba erru ruma akontese iha kabimentasaun orsamentu, maibé ami promete autoridade sei rezolve iha tempu badak, nune’e empreza bele hahú serbisu” nia promete.

Notisia relevante: Mari Alkatiri Triste Iha Festa Inaugurasaun Aeroportu Internasionál Oe-Cusse

Jornalista   : Abílio Elo Nini

Editór          : Evaristo Soares Martins

iklan
iklan

Leave a Reply

iklan
error: Content is protected !!